Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Lalai 140 - ŊMALƐ KRƆŊKRƆŊ LƐ


Hebuu sɔlemɔ
Kɛha lalatsɛ nukpa. David Lala ko.

1 Oo Yehowa, jiemɔ mi yɛ mɛi fɔ̃ji adɛŋ; baamɔ miyi yɛ yiwalɔi lɛ adɛŋ.

2 Amɛkpãŋɔ nifɔɔjianii yɛ amɛtsuiiaŋ, ni amɛhãa ta teɔ shi daa.

3 Amɛjɔ amɛlilɛii anaa tamɔ onufu, ni shikpãi anaa ebɔɔ yɛ amɛnyanyɔji ashishi.

4 Oo Yehowa, buu mihe kɛje mɔ fɔŋ lɛ dɛŋ, ni obaa miyi kɛje gbɔmɛi yiwalɔi adɛŋ, mɛi ni ekpãŋ koni amɛtɔ̃tɔ̃ minane lɛ.

5 Hewolɔi etsɔ̃ mi tsɔne; ni amɛŋmɛ mi yaa, ni amɛtsɔ̃tsɔ̃ɔ mi akpa yɛ gbɛ toi.

6 Mikɛɛ Yehowa akɛ, “Bo ji miNyɔŋmɔ.” Oo Yehowa, bo mifaikpamɔ gbee lɛ toi!

7 Oo Yehowa, miNyɔŋmɔ, miyiwalaherelɔ ni he wa, bo obaa miyi yɛ ta gbi nɔ.

8 Oo Yehowa, kaahã mɔ fɔŋ nine shɛ nɔ ni eshweɔ lɛ nɔ; ni kaahã eyiŋtoo fɔŋ lɛ miiba mli miihã lɛ.

9 Mɛi ni efo sa ewo mihe lɛ, hã efɔŋ ni jɛ amɛ diɛŋtsɛ amɛnaa lɛ abua amɛyiteŋ.

10 Hã ŋãi la atso yɛ amɛyiteŋ, hã ashɛrɛ amɛ ashwie bui kwɔŋkwɔŋi amli, ni amɛkate shi dɔŋŋ.

11 Kaahã oshekuyelɔ ko he shi yɛ shikpɔŋ lɛ nɔ; hã efɔŋ akpãtã yiwalɔ lɛ hiɛ mra.

12 Mile akɛ Yehowa yeɔ nɔnalɔ sane ehãa lɛ; ni eyeɔ jalɛ sane ehãa mɔ ni efi lɛ.

13 Lɛɛlɛŋ, jalɔi aaajie oyi, ni mɛi ni feɔ jalɛnii aaahi shi yɛ ohiɛ.

Bible in Ga Language © Bible Society of Ghana, 2020.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ