Lalai 139 - ŊMALƐ KRƆŊKRƆŊ LƐ

Nyɔŋmɔ nilee kɛ emɔkuramɔ

Kɛha lalatsɛ nukpa. David Lala ko.

¹ Oo Yehowa, taomɔ mimli koni ole mi.

² Ole mishitamɔ kɛ mishitee mli fɛɛ; oyoɔ miyiŋtoo yɛ shɔŋŋ beebe.

³ Ole minyiɛmɔ kɛ mishikãmɔ fɛɛ mli, ni ole minifeemɔi fɛɛ.

⁴ Ejaakɛ wiemɔ ko wiemɔ ko bɛ mililɛi nɔ ni bo Yehowa oleee oto.

⁵ Ofo afabaŋ owo mihe kɛkpe, ni okɛ onine eŋmɛ minɔ.

⁶ Onilee nɛɛ miifee mi naakpɛɛ tsɔ̃; emli kwɔ, ni mijwɛŋmɔ shɛɛɛ he.

⁷ Nɛgbɛ maje omumɔ lɛ hiɛ kɛaatee; ni nɛgbɛ majo foi kɛaajɛ ohiɛ kɛaatee?

⁸ Kɛji mikwɔ kɛtee ŋwɛi lɛ, oyɛ jɛi; ni kɛji miyaŋmɛ misaa yɛ gbohiiaje tete, oyɛ jɛi.

⁹ Kɛji miŋɔ leebi fiji ni miyahi ŋshɔ sɛɛ shɔŋŋ lɛ,

¹⁰ jɛi tete lɛ, onine aaakpala mi, ni oninejurɔ aaamɔ mimli tswɛ.

¹¹ Kɛji mikɛɛ akɛ, “Duŋ kabitii abaha minɔ, ni la ni bɔle mihe lɛ atsɔ̃ duŋ” lɛ,

¹² no tete po lɛ, duŋ wooo duŋ yɛ ohiɛ, ni nyɔɔŋ tseɔ heŋŋ tamɔ shwane nɔŋŋ yɛ ohiɛ; ejaakɛ duŋ jio, la jio fɛɛ lɛ ekome ni yɛ ohiɛ.

¹³ Ejaakɛ bo obɔ mimli nibii fɛɛ; bo oshɔ̃ mi yɛ minyɛ musuŋ.

¹⁴ Miijie oyi, ejaakɛ bɔ ni obɔ mi lɛ, eyɛ naakpɛɛ kɛ gbeyei fɛɛ. Onitsumɔi lɛ yɛ naakpɛɛ; mile enɛ krɛdɛɛ.

¹⁵ Aŋɔɔɔ mi ateee bo, be ni abɔɔ migbɔmɔtso lɛ yɛ teemɔ mli, ni ashɔ̃ɔ mi yɛ shikpɔŋ lɛ shishi tɔ̃ɔ lɛ.

¹⁶ Be ni mi ji lá kukuli tete po lɛ, ohiŋmɛi ena mi momo. Wala gbii ni ato ahã mi lɛ, aŋma fɛɛ yɛ owolo lɛ mli dani mije wala shishi tete.

¹⁷ Oo Nyɔŋmɔ, oyiŋtoi lɛ ajara wa yɛ mihiɛ akɛ nɔ ko; efa babaoo naakpa.

¹⁸ Kɛji mika akɛ makane lɛ, amɛyi fa fe ŋshɔnaa shia. Be ni mihiɛ aaatsɛ̃ lɛ omasɛi nɔŋŋ miyɔɔ.

¹⁹ Oo Naa Nyɔŋmɔ, mina ni ogbe mɛi fɔ̃ji lɛ, gbɔmɛi lashishwielɔi akabɛŋkɛ mi fɔ̃ŋfɔ̃.

²⁰ Amɛwieɔ ohe kɛ yiŋsha, ni amɛteɔ shi amɛwoɔ bo.

²¹ Oo Yehowa, aso mɛi ni nyɛɔ bo lɛ mikanyɛ amɛ? Ni mɛi ni teɔ shi woɔ bo lɛ, mikate shi miwo amɛ?

²² Minyɛɔ amɛ naakpa, miŋɔɔ amɛ mihenyɛlɔi.

²³ Oo Nyɔŋmɔ, taomɔ mimli koni ole mitsuiŋ. Kaa mi okwɛ, koni ole mijwɛŋmɔi.

²⁴ Kwɛmɔ akɛ minyiɛ gbɛ fɔŋ ko nɔ lo, koni okpala mi kɛya naanɔ gbɛ lɛ nɔ.