Lalai 13 - ŊMALƐ KRƆŊKRƆŊ LƐ

Sɔlemɔ hã yelikɛbuamɔ

David Lala ni ekɛha lalatsɛ nukpa lɛ.

¹ Yehowa, kɛyaashi mɛɛ beyinɔ po ni ohiɛ aaakpa minɔ? Kɛyaashi naanɔ tɔ̃ɔ lo? Okɛ ohiɛ baatee mi kɛyaashi mɛɛbe?

² Mɛɛbe misusuma aaapiŋ, ni maye awerɛho yɛ mitsuiŋ gbi muu fɛɛ. Mɛɛbe mihenyɛlɔ aaawo ehe nɔ yɛ minɔ kɛyashi?

³ Oo, Yehowa, miNyɔŋmɔ, kwɛmɔ mi ni ohere mi nɔ; tsiɛ̃mɔ mi koni mikawɔ gbele wɔ.

⁴ Kaahã mihenyɛlɔ miikɛɛ akɛ, “Miye enɔ”, ni mihaolɔi lɛ akanya yɛ mishigbeemɔ hewɔ.

⁵ Shi mi lɛ, osuɔmɔ ni tsakeee lɛ nɔ mihiɛ kã. Manya kɛ mitsui fɛɛ, ejaakɛ obaahere miyiwala.

⁶ Oo Yehowa, mala mahã O, ejaakɛ ofee mi ejurɔ.