Lalai 125 - ŊMALƐ KRƆŊKRƆŊ LƐ

Nyɔŋmɔ webii shweshweeshwefeemɔ

Zion Gɔŋ lala ko.

¹ Mɛi ni hiɛ kã Yehowa nɔ lɛ, amɛtamɔ Zion Gɔŋ ni hosooo, shi moŋ ema shi kɛmiiya naanɔ lɛ.

² Bɔ ni gɔji ebɔle Yerusalɛm kɛkpe kpula lɛ, nakai Yehowa hu ebɔle emɛi lɛ ahe kɛkpe, kɛjɛ benɛ mli kɛmiiya naanɔ fɛɛ.

³ Ejaakɛ mɔ fɔŋ lɛ, eyeŋ jalɔi ashikpɔŋ lɛ nɔ lumɔ, koni jalɔi lɛ akafee efɔŋ.

⁴ Oo Yehowa, feemɔ mɛi ni hi kɛ mɛi ni ja yɛ amɛtsuii amli lɛ ejurɔ.

⁵ Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!