Lalai 122 - ŊMALƐ KRƆŊKRƆŊ LƐYerusalɛm kafomɔ Zion Gɔŋ lala. David Lala ko. 1 Mimii shɛɔ mihe kɛji akɛɛ mi akɛ, “Ba ni wɔtee Yehowa we lɛ.” 2 Oo Yerusalɛm, wɔnaji mamɔ ogboi lɛ mli. 3 Yerusalɛm, bo maŋ ni atswa ama shi kɛtsara nɔ kɛkpe maŋ ni ama lɛ kɛbɔle kɛkpe. 4 Jɛi akutsei ni ji Yehowa akutsei lɛ yaa, taakɛ bɔ ni awo amɛ mla lɛ, koni amɛyada Yehowa shi. 5 Jɛi akɛ kojomɔ sɛii emamɔ, David we lɛ kojomɔ sɛii lɛ. 6 Nyɛbaa hejɔlɛ nyɛhãa Yerusalɛm. “Mɛi ni sumɔɔ bo lɛ ashwere.” 7 Toiŋjɔlɛ ahi ogbogboi lɛ amli, ni shweshweeshwefeemɔ ahi omɔji lɛ amli. 8 Minyɛmimɛi lɛ kɛ minanemɛi lɛ ahewɔ lɛ, makɛɛ bo Yerusalɛm akɛ, “Toiŋjɔlɛ ahi omli.” 9 Yehowa, wɔNyɔŋmɔ lɛ, we lɛ hewɔ lɛ, matao bo ekpakpa. |
Bible in Ga Language © Bible Society of Ghana, 2020.
Bible Society of Ghana