Lalai 120 - ŊMALƐ KRƆŊKRƆŊ LƐ

Yelikɛbuamɔ he sɔlemɔ

Zion Gɔŋ lala ko.

¹ Mifimɔ lɛ mli lɛ mibo mitsɛ Yehowa, koni ebo mi toi.

² Mikɛɛ akɛ, “Oo Yehowa, heremɔ miyiwala kɛje amalelɔi kɛ shishiulɔi adɛŋ.

³ Bo shishiulɔ, mɛni Yehowa baahã bo, ni mɛni hu ebaafee efata he ehã bo?

⁴ Etamɔ tabilɔ gãimlibii ni naa ba kɛ ŋai la ni tsoɔ!

⁵ Kpoo hã mi akɛ mibato gbɔ yɛ Mesek, ni mibahi Kedar bui lɛ amasɛi.

⁶ Mibahi mɛi ni miihi toiŋjɔlɛ ateŋ be babaoo tsɔ̃.

⁷ Mi lɛ toiŋjɔlɛ gbɔmɔ ji mi; shi kɛji miwie pɛ, amɛ lɛ, amɛto ta amɛwo mi.