Lalai 114 - ŊMALƐ KRƆŊKRƆŊ LƐ

Hehoo Gbijurɔ lala

¹ Be ni Israelbii lɛ je Ijipt ni Yakob shwiei lɛ je maŋ ni wieɔ maŋsɛɛ wiemɔ lɛŋ lɛ,

² Yuda tsɔ̃ Nuŋtsɔ lɛ maŋ krɔŋkrɔŋ, ni Israel tsɔ̃ lɛ diɛŋtsɛ enɔ.

³ Ŋshɔ Tsuru lɛ na, ni ejo foi; Yordan hu kpa hoo.

⁴ Gɔji lɛ tumɔ tamɔ ojwɛnii, ni gɔŋkpɔi lɛ hu tumɔ tamɔ gwantɛŋbii.

⁵ Oo Ŋshɔ, te aye tɛŋŋ, ni ojoɔ foi nɛɛ? Bo Yordan hu, ni okpa hoo nɛɛ?

⁶ Oo nyɛ gɔji, mɛni eba ni nyɛtumɔɔ tamɔ ojwɛnii nɛɛ?

⁷ Bo shikpɔŋ, ohe akpokpo yɛ Yehowa hiɛ, yɛ Yakob Nyɔŋmɔ lɛ hiɛ,

⁸ mɔ ni hãa tɛsaa tsɔ̃ɔ kpaakpo, ni ehãa tswɛrɛbo tsɔ̃ɔ nuhiŋmɛi lɛ!