Lalai 113 - ŊMALƐ KRƆŊKRƆŊ LƐ

Ajie Yehowa mlihilɛ yi

¹ Nyɛjiea Yehowa yi! Oo nyɛ Yehowa tsuji fɛɛ, nyɛjiea, nyɛjiea Yehowa gbɛi lɛ yi!

² Ajie Yehowa gbɛi lɛ yi, kɛjɛ benɛ mli aahu kɛyaashi naanɔ!

³ Esa akɛ ajie Yehowa gbɛi lɛ yi kɛjɛ hulu shiteehe aahu kɛyaashi eshinyɔɔhe!

⁴ Yehowa kwɔ gojoo kɛteke majimaji fɛɛ, ni enunyam lɛ teke ŋwɛii amli ŋwɛi.

⁵ Namɔ tamɔ Yehowa wɔNyɔŋmɔ lɛ, mɔ ni yɔɔ ŋwɛii amli ŋwɛi,

⁶ ni emaa ehiɛ shi, ni ekwɛɔ nii ni yɔɔ ŋwɛi kɛ shikpɔŋ lɛ nɔ fɛɛ lɛ?

⁷ Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ kɛjɛɔ tumo nɔ,

⁸ koni ehã ekɛ abladei ni ji emaŋ lɛ mli abladei lɛ atara shi.

⁹ Ehãa yoo kene tsɔ̃ɔ shĩanyɛ, ni etsɔ̃ɔ biianyɛ ni yɔɔ miishɛɛ. Nyɛjiea Yehowa yi!