Lalai 111 - ŊMALƐ KRƆŊKRƆŊ LƐ

Yehowa yijiemɔ

¹ Jiemɔ Yehowa yi! Mada Yehowa shi kɛ mitsui fɛɛ, yɛ jalɔi agwabɔɔ lɛ mli, yɛ asafo lɛ mli.

² Yehowa nitsumɔi lɛ yɛ naakpɛɛ; ni mɛi fɛɛ ni naa he tsui lɛ kaseɔ.

³ Enitsumɔ lɛ eyi obɔ̃ kɛ woo kɛ agbojee; ni ejalɛ lɛ hiɔ shi kɛyaa naanɔ.

⁴ Ehãa akaiɔ enaakpɛɛ nitsumɔi lɛ. Durolɔ kɛ mɔbɔnalɔ ji Yehowa.

⁵ Ehãa mɛi ni sheɔ lɛ gbeyei lɛ yeɔ nii tɔrɔɔ; be fɛɛ be lɛ ekaiɔ ekpãŋmɔ lɛ.

⁶ Ehãa emaŋ lɛ leɔ ehewalɛ nitsumɔi lɛ; ejaakɛ ekɛ jeŋmaji lɛ ashikpɔji lɛ hãa emaŋ lɛ akɛ amɛgboshinii.

⁷ Eninenaa nitsumɔi lɛ, anɔkwale kɛ jalɛ saneyeli ni; ni ekpɔi lɛ fɛɛ lɛ anɔkwale ni.

⁸ Amɛma shi shiŋŋ daa kɛmiiya naanɔi anaanɔ; koni akɛ anɔkwaleyeli kɛ jalɛ atsu he nii.

⁹ Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

¹⁰ Yehowa gbeyeishemɔ ji nilee shishijee. Mɛi fɛɛ ni yeɔ nɔ lɛ amɛnaa niiashishinumɔ kpakpa. Eyijiemɔ hiɔ shi kɛyaa naanɔ.