Lalai 110 - ŊMALƐ KRƆŊKRƆŊ LƐ

Yehowa kɛ Emaŋtsɛ ni eŋɔ lɛ

David Lala ko.

¹ Yehowa kɛɛ minuŋtsɔ lɛ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo.”

² Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

³ Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

⁴ Yehowa ekã kitã, ni etsakeŋ ejwɛŋmɔ, “Bo ji osɔfo kɛmiiya naanɔ yɛ Melkizedek gbɛjianɔtoo lɛ naa.”

⁵ Nuŋtsɔ lɛ yɛ oninejurɔ nɔ; eeetswia maŋtsɛmɛi ashi yɛ emlifu gbi lɛ nɔ.

⁶ Eeekojo yɛ majimaji lɛ ateŋ, ni amɛmli aaayimɔ tɔ kɛ gbohii. Eeeplenee maŋtsɛmɛi fɛɛ yɛ shikpɔŋ muu lɛ fɛɛ nɔ.

⁷ Eeenu faa ni yɔɔ gbɛ toi mli nu, no hewɔ lɛ, eeeye omanye.