Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Lalai 108 - ŊMALƐ KRƆŊKRƆŊ LƐ


Henyɛlɔi anɔkunimyeli he sɔlemɔ
David Lala ko.

1 Oo Naa Nyɔŋmɔ, mitsui enyɔ mimli! Mala lala kɛ ŋɔɔmɔ mahã bo. Misusuma, ohiɛ atsɛ̃!

2 Obenta kɛ saŋku, nyɛhiɛ atsɛ̃a! Mahã leebi hiɛ atsɛ̃ mra!

3 Oo Yehowa, mada bo shi, yɛ maji lɛ ateŋ, ni majie oyi yɛ majimaji lɛ ateŋ!

4 Ejaakɛ osuɔmɔ ni tsakeee lɛ kwɔ kɛteke ŋwɛi, ni onɔkwayeli lɛ shɛɔ atatuiaŋ tɔ̃ɔ.

5 Oo Nyɔŋmɔ, awo onɔ kɛteke ŋwɛi, ni onunyam lɛ ekpele shikpɔŋ muu lɛ fɛɛ nɔ.

6 Okɛ ohewalɛ lɛ ahere wɔyiwala. Bo mifaikpamɔ toi, bɔ ni afee ni ohere mɛi ni osumɔɔ lɛ ayiwala.

7 Nyɔŋmɔ ewie yɛ Ehe krɔŋkrɔŋ lɛ: Ekɛɔ akɛ, “Mikɛ miishɛɛ aaaja Shekem mli, ni maja Sukot Jɔɔ lɛ mahã miwebii.

8 Minɔ ji Gilead; ni minɔ ji Manase; Efraim ji midade fai, ni Yuda lɛ, mimaŋtsɛ tsi ni.

9 Moab ji mihejuu goga; majie mitokota matswa Edom; Mabɔ kunimyeli oshe mawo Filistia.”

10 Namɔ aaaŋɔ mi kɛaatee maŋ ni yɔɔ hewalɛ lɛ mli? Namɔ aaanyiɛ mihiɛ kɛaatee Edom?

11 Oo Nyɔŋmɔ, ani okwa wɔ lɛɛlɛŋ? Onyiɛɛɛ wɔtai lɛ ahiɛ kɛyaaa ta dɔŋŋ?

12 Oo, ye obua wɔ koni wɔkɛ wɔhenyɛlɔi awu; ejaakɛ gbɔmɔ yelikɛbuamɔ jeee fɛifɛi.

13 Nyɔŋmɔ yelikɛbuamɔ naa lɛ wɔɔye kunim, ejaakɛ Nyɔŋmɔ diɛŋtsɛ aaanaanaa wɔhenyɛlɔi lɛ anɔ kɛmɔ shi.

Bible in Ga Language © Bible Society of Ghana, 2020.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ