Lalai 100 - ŊMALƐ KRƆŊKRƆŊ LƐ

Yijiemɔ lala

Lala kɛha shidaa.

¹ Shikpɔŋ lɛ fɛɛ, nyɛbɔa oshe nyɛhãa Yehowa!

² Nyɛsɔmɔa Yehowa kɛ miishɛɛ; nyɛbaa ehiɛ kɛ nyamɔ lala!

³ Nyɛnaa nyɛlea akɛ Yehowa lɛ, lɛ ji Nyɔŋmɔ! Lɛ ebɔ wɔ, ni lɛ enii ji wɔ; emaŋ kɛ elɛɛhe lɛ toi ji wɔ.

⁴ Nyɛbotea egboi lɛ amli kɛ shidaa! Nyɛbaa ekpoi lɛ anɔ kɛ yijiemɔ! Nyɛdaa lɛ shi, nyɛjiea egbɛi lɛ yi!

⁵ Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!