Kojolɔi 15 - ŊMALƐ KRƆŊKRƆŊ LƐ

¹ Be fioo ko sɛɛ lɛ, Samson hiɛ abotiabi kɛtee eyaasara eŋã lɛ yɛ ŋmãakuu be lɛ mli. Ekɛɛ ehe akɛ, “Matee miŋã ŋɔɔ yɛ sɛɛtsu lɛ mli.” Shi eŋã lɛ tsɛ lɛ ekpɛlɛ̃ɛɛ lɛ ni eya tsu lɛ mli.

² Ekɛɛ Samson akɛ, “Anɔkwale mli lɛ, misusu akɛ osumɔɔɔ lɛ dɔŋŋ, no hewɔ lɛ, mikɛ lɛ hã onaanyo lɛ. Bɛ enyɛmi gbekɛ lɛ he yɛ fɛo fe lɛ? Ŋɔɔ lɛ yɛ enajiaŋ.”

³ Samson kɛɛ amɛ akɛ, “Agbɛnɛ kɛji mifee Filistibii lɛ efɔŋ ko lɛ, amɛsɔ̃ ko wulaaa miyiteŋ.”

⁴ No hewɔ lɛ, Samson yiŋ etee, ni eyamɔmɔ osɔi ohai etɛ̃, ni ekɔlɔ kɔtii. Ekɛ osɔi lɛ aleii tsara enyɔnyɔɔnyɔ, ni ekɛ kɔti wo lei kɛ lei tsamɔhe lɛ mli.

⁵ Kɛkɛ ni ema kɔtii lɛ anaa la, ni eŋmɛɛ osɔi lɛ ahe ewo Filistibii lɛ aŋmãa ni mamɔ shi lɛ mli, ni Samson shã ŋmãa kei lɛ kɛ ŋmãa ni mamɔ shi kɛ mutsei abɔi lɛ fɛɛ.

⁶ Filistibii lɛ bi akɛ, “Namɔ po ni fee enɛ?” Akɛɛ amɛ akɛ, “Samson, Timnanyo lɛ shaanuu lɛ, ni, ejaakɛ eshaanuu lɛ eŋɔ eŋã lɛ ehã Samson naanyo lɛ.” Kɛkɛ ni Filistibii lɛ yiŋ amɛtee ni amɛyashã yoo lɛ kɛ etsɛ lɛ fɛɛ.

⁷ Samson kɛɛ Filistibii lɛ akɛ, “No hewɔ lɛ, bɔ ni nyɛtsɔ̃ nyɛfee nɛ? Mina mitsɛ nane akɛ ja mitɔ mihe owele yɛ nyɛnɔ dani mafɔɔ.”

⁸ Kɛkɛ ni etswia amɛgbeji kɛ amɛshuɔji anii ni ekpãtã amɛhiɛ butuu, ni eyiŋ etee eyahi tɛkplo ko mli yɛ Etam tɛsaa lɛ mli.

Samson ye Filistibii lɛ anɔ kunim

⁹ Filistibii lɛ ba amɛbabɔ nsra yɛ Yuda, ni amɛyatua Lehi.

¹⁰ No hewɔ lɛ, Yuda hii lɛ bi amɛ akɛ, “Mɛɛ hewɔ nyɛfã kɛba wɔnɔ nɛɛ?” Amɛkɛɛ, “Samson fĩi wɔba nɛɛ, koni bɔ ni efee wɔ lɛ, wɔfee lɛ nakai nɔŋŋ.”

¹¹ No hewɔ lɛ, Yuda hii akpei etɛ̃ yiŋ amɛtee tɛkplo ni yɔɔ Etam tɛsaa lɛ mli lɛ mli, ni amɛyakɛɛ Samson akɛ, “Ani oleee akɛ Filistibii lɛ amɛ amɛ ji mɛi ni yeɔ wɔnɔ lo? Hewɔ lɛ, mɛni ofee wɔ nɛɛ?” Eto he akɛ, “Bɔ ni amɛfee mi lɛ, nakai mi hu mifee amɛ lɛ.”

¹² Yuda hii lɛ kɛɛ lɛ akɛ, “Bo fĩi wɔba nɛɛ, koni wɔkɛ bo ayawo Filistibii lɛ adɛŋ.” Samson kɛɛ amɛ akɛ, “Nyɛkãa mi kitã akɛ nyɛ diɛŋtsɛ nyɛgbeŋ mi.”

¹³ Amɛkɛɛ lɛ akɛ, “Dabi, fĩi kɛkɛ wɔbaafĩ bo, koni wɔkɛ bo ayawo amɛdɛŋ; shi gbee lɛ wɔgbeŋ bo.” No hewɔ lɛ, amɛfĩ lɛ kɛ taŋkpei hei enyɔ, ni amɛ jie lɛ kɛjɛ tɛsaa lɛ mli kɛje kpo.

¹⁴ Be ni eshɛ Lehi lɛ, Filistibii lɛ bɔ oshe amɛkɛ lɛ bakpe. Kɛkɛ ni Yehowa Mumɔ lɛ bayi Samson nɔ kɛ hewalɛ kpele, ni taŋkpei lɛ ni yɔɔ eniji lɛ tsɔmɔ tamɔ odonti ni akɛ la esa he, ni taŋkpei lɛ tserɛ yɛ eniji.

¹⁵ Kɛkɛ ni ena teji kadaa ŋmɔŋ ko. Ekpã enine mli ekɔ, ni ekɛgbe hii akpe.

¹⁶ No hewɔ lɛ, Samson kɛɛ: “Teji kadaa mikɛgbe amɛ mibua shi; gbohii jwere gbohii anɔ, Teji kadaa mikɛgbe hii akpe.”

¹⁷ Be ni ewie egbe naa lɛ, eshɛ kadaa ni ehiɛ yɛ edɛŋ lɛ efɔ̃; ni awo jɛi gbɛi akɛ Ramat-Lehi.

¹⁸ Kɛkɛ ni kumai ye Samson waa naakpa. Ebo etsɛ Yehowa ekɛɛ, “Otsɔ̃ otsulɔ nine nɔ otsu yiwalaheremɔ nitsumɔ kpele nɛɛ; ni mɛɛba ni magbo kɛ kumai moŋ ni magbee foolɔi nɛɛ adɛŋ?”

¹⁹ Kɛkɛ ni Nyɔŋmɔ hã shikpɔŋ lɛ he ko ni enyɔ yɛ Lehi lɛ gba, ni nu tue kɛba. Kɛkɛ ni Samson nu. Ni be ni enu nu lɛ emumɔ ku esɛɛ eba emli ekoŋŋ, ni ehiɛ tserɛ lɛ. No hewɔ lɛ, awo jɛi gbɛi akɛ En-Hakoree. Eyɛ Lehi kɛbashi ŋmɛnɛ.

²⁰ Samson nyiɛ Israel hiɛ afii nyɔŋmai enyɔ yɛ be ni Filistibii yɔɔ shikpɔŋ lɛ nɔ lɛ mli.