Hosea 3 - ŊMALƐ KRƆŊKRƆŊ LƐ

Hosea kɛ Yoo ni yeee anɔkwa lɛ

¹ Yehowa kɛɛ mi akɛ, “Yaa ekoŋŋ ni oyasumɔ yoo ni ewu sumɔɔ lɛ, shi lɛ lɛ ekɛ nuu kroko miifite gbãlã. Osumɔ lɛ tamɔ bɔ ni mi, Yehowa, misumɔɔ mimɛi Israelbii lɛ; tsɛbelɛ amɛ lɛ, amɛkwa mi, ni amɛtee wɔji aŋɔɔ, ni amɛkɛ wain yibii yashãa afɔle amɛhãa amãgãi.”

² No hewɔ lɛ, mikɛ jwiɛtɛi talentai nyɔŋma kɛ enumɔ kɛ akoko kiloi oha kɛ nyɔŋmai enumɔ yahã yoo lɛ;

³ ni mikɛɛ lɛ akɛ, “Agbɛnɛ hii shi kɛjɛ kɛyaa nɛɛ ohã mi; okabɔ ajwamãŋ, ni okayagbã nuu ko; ni mi hu mahi shi mahã bo.”

⁴ Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

⁵ Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.