Hiob 15 - ŊMALƐ KRƆŊKRƆŊ LƐ

Sanegbaa ni ji enyɔ lɛ Elifaz wiemɔ

¹ Kɛkɛ ni Elifaz, Temannyo lɛ, here nɔ ni ekɛɛ akɛ,

² “Aso nilelɔ hãa sane hetoo kɛ wiemɔ huu nɛkɛ, ni ehãa emusu ayi obɔ̃ kɛ bokã kɔɔyɔɔ?

³ Aso ekɛ wiemɔ ni he bɛ sɛɛnamɔ baajie enaa; aloo eeejie enaa kɛ wiemɔ ni shishinumɔ bɛ he?

⁴ Ojie Nyɔŋmɔ gbeyeishemɔ yɛ ojwɛŋmɔŋ, ni ootsi sɔlemɔ naa yɛ ehiɛ;

⁵ ejaakɛ odaaŋ wiemɔ miijie onifɔ̃jianii lɛ kpo, ni ohiɛ shishiulɔi alilɛi.

⁶ Bo diɛŋtsɛ odaaŋ wiemɔ miibu bo fɔ, shi jeee mi; bo diɛŋtsɛ odaaŋ wiemɔ miiye odase miishi bo.

⁷ Ani bo ji klɛŋklɛŋ gbɔmɔ ni afɔ yɛ je nɛɛŋ? Aloo aŋɔ bo hɔ dani abɔ gɔji lɛ?

⁸ Ani ona onu Nyɔŋmɔ ajinaŋ sane? Ani bo pɛ odɛ̃ŋ nilee yɔɔ?

⁹ Mɛni kwraa ole ni wɔ lɛ wɔleee? Mɛni shishi onu, ni wɔ lɛ efeko faŋŋ ehãko wɔ lolo?

¹⁰ Wajiatsɛmɛi kɛ hiimeji fɛɛ yɛ wɔteŋ ni amɛye otsɛ ni fɔ bo onukpa kwraa.

¹¹ Omii ni Nyɔŋmɔ shɛjeɔ lɛ, efaaa lo? Aloo wiemɔ ni akɛ bo wieɔ kɛ naajɔlɛ lɛ jeee nɔ ko hã bo?

¹² Mɛɛba otsui sha bo, ni mɛɛba ohiŋmɛii tswaa kpɛlɛkpɛlɛ,

¹³ ni ote shi owo Nyɔŋmɔ yɛ omumɔ mli, ni ohãa wiemɔi ni tamɔ enɛɛmɛi jeɔ onaa?

¹⁴ Namɔ ji adesa ni ehe aaatse, loo gbɔmɔ ni jɛ yoo musuŋ ni eeefee nɔ ni ja?

¹⁵ Naa, Nyɔŋmɔ kɛ ehe efɔ̃ɔɔ emɛi krɔŋkrɔŋi lɛ tete anɔ; ni ŋwɛi tete he tseee yɛ ehiɛ.

¹⁶ Te aaafee tɛŋŋ mɔ, ni mɔ ni feɔ musubɔɔnii, asaŋ ni efite adesa ni nifɔɔjianiifeemɔ ji enu ni enuɔ lɛ, ekɛ ehe aaafɔ̃ enɔ lɛ?

¹⁷ Hiob, bo mi toi; mibagba bo nɔ ni mina yɛ jeŋ,

¹⁸ nɔ ni nilelɔi egba, ni ji nɔ ni amɛtsɛmɛi kɛteee amɛ lɛ.

¹⁹ Amɛ tuuŋtu aŋɔ shikpɔŋ lɛ ahã; gbɔi futuuu amɛ.

²⁰ Yiwalɔ, mɔ ni waa mɛi krokomɛi ayi lɛ, piŋɔ ewala gbii abɔ fɛɛ.

²¹ Gbee ni yɔɔ gbeyei gbɛɔ yɛ etoiiaŋ, ni julɔ batuaa lɛ be mli ni ehe ejɔ lɛ.

²² Eheee eyeee akɛ eeeku esɛɛ kɛaajɛ duŋ mli, ni klante ji nɔ ni aaagbe lɛ,

²³ ni akpaŋai miimɛ ni amɛye eloo. Ele akɛ gbi fɔŋ lɛ ebɛŋkɛ lɛ etã.

²⁴ Jaramɔ kɛ fimɔ woɔ ehe gbeyei; amɛyeɔ enɔ tamɔ maŋtsɛ ni efã ta.

²⁵ Ete shi ewo Nyɔŋmɔ, ni ewo ehe nɔ yɛ Ofe lɛ nɔ.

²⁶ Ehiɛ tsɛŋ kpakpataa, ni etsɛ̃ kɛ kuɛŋtimɔ kɛba Nyɔŋmɔ nɔ.

²⁷ Eshwi kɛbamɔ ehiɛ fɛɛ.

²⁸ Maji amaŋfɔ̃i amli ehi, yɛ shĩai ni esaaa akɛ gbɔmɔ aaahi mli, hei ni baatsɔmɔ koikoi lɛ.

²⁹ Enaŋ nii, ni enii ni eyɔɔ lɛ tete etsɛŋ, asaŋ etsɛ̃ŋ fã yɛ su mli.

³⁰ Ejeŋ duŋ lɛ mli; la baashã niji ni etsɛ̃rɛ lɛ; ni kɔɔyɔɔ baakpala efɔfɔi ashwie.

³¹ Ekaŋɔ ehiɛ efɔ̃ yakanii anɔ ni ekɛmiilaka ehe, ejaakɛ yakanii nɔŋŋ ebaakpa.

³² Eshɛŋ ebe ni ebaaŋala tamɔ tso nine, ni eyi baa frɔkeŋ dɔŋŋ.

³³ Eyibii ŋmilikiti lɛ eeekpala eshwie shi tamɔ waintso;

³⁴ Ejaakɛ mɛi fɔ̃ji woŋ shwiei, ni shĩai ni akɛ nyɔɔŋnihemɔ mamɔ lɛ, la aaakpãtã hiɛ.

³⁵ Nifɔ̃ji ahe ŋaa amɛtoɔ, ni amɛfeɔ nifɔ̃jianii; ni mɔshishiumɔ eyi amɛtsuiiaŋ tɔ.”