Jajelɔ 10 - ŊMALƐ KRƆŊKRƆŊ LƐ

¹ Adɔdɔji ni egboi hãa ojeŋma feelɔ ojeŋma tete shaa, ni ejeɔ fu; no hewɔ lɛ, buulufeemɔ fioo lɛ efiteɔ nilee kɛ nyam nitsumɔ fɛɛ.

² Nilelɔ tsui kpalaa lɛ kɛyaa nɔ ni ja he; shi kwashia tsui kpalaa lɛ kɛyaa nɔ ni ejaaa he.

³ Kɛji kwashia nyiɛ tɛmpɔŋ nɔ tete po lɛ, enaaa jwɛŋmɔ, ni ehãa mɔ fɛɛ mɔ naa akɛ kwashia ji lɛ.

⁴ Kɛji onɔyelɔ mli fu bo lɛ, no akahã oshi ogbɛnaa ni ohiɛ yɛ eshishi lɛ, ejaakɛ saneheŋmɛɛmɔ lɛ ejɔɔ tɔ̃mɔi wuji tete ahe.

⁵ Mina nɔ ko ni ejaaa gbɛ yɛ je nɛɛ mli ni nɔyelɔi feɔ.

⁶ Aholeɔ kwashiai anɔ ataraa hei grɔŋgrɔŋŋ; ni akɛ niiatsɛmɛi taraa hei ni bɛ nyam.

⁷ Ni mina nyɔji tara okpɔŋɔi anɔ be ni lumɛi nyiɛ amɛnane nɔ tamɔ nyɔji.

⁸ Mɔ ni tsaa bu lɛ, lɛ nɔŋŋ eeegbee mli, ni mɔ ni gbuɔ gbogbo ewoɔ mli lɛ, lɛ onufu aaakɔ̃.

⁹ Mɔ ni tsaa tɛ lɛ, lɛ tɛ pilaa, ni mɔ hu ni gbaa lai lɛ, lɛ awui lai yeɔ.

¹⁰ Kɛji mɔ ko lema naa egbo, ni ejɔɔɔ naa lɛ, no lɛ ja emia ekpɔiaŋ waa. Nilee akɛtoɔ nifeemɔ he dani ayeɔ kunim.

¹¹ Akamɛ ni onufu kɔ̃ mɔ dani akɛ ŋkunyaayeli kũ enaa; no lɛ sɛɛnamɔ ko bɛ he.

¹² Nilelɔ daaŋ wiemɔ hãa ehiɛ baa nyam, shi kwashia naabu kpãtãa lɛ diɛŋtsɛ ehiɛ.

¹³ Ejeɔ ewiemɔ shishi kɛ kwashiai awiemɔi, ni egbeɔ naa kɛ sɛkɛyelɔi awiemɔ.

¹⁴ Kwashia wieɔ babaoo. Gbɔmɔ ko leee nɔ ni baaba; ni mɔ ko hu nyɛŋ egba lɛ nɔ ni baaba yɛ esɛɛ.

¹⁵ Kwashia deŋmegbomɔ hãa etɔɔ lɛ bɔ sɔŋŋ ni maŋ gbɛ tete laajeɔ lɛ.

¹⁶ Kpoo hã bo, maŋ ni omaŋtsɛ lɛ gbekɛ ni, ni olumɛi tsɛɔ yelikɛnumɔ leebi.

¹⁷ Shi ajɔɔ bo, bo maŋ ni omaŋtsɛ lɛ abladei abi ni, ni olumɛi lɛ tsɛɔ okplɔ̃ yɛ be ni sa mli koni amɛye nii ni amɛna gbɔmɔtsoŋ hewalɛ, shi jeee koni amɛtɔrɔ dãa.

¹⁸ Hejɔ̃ hãa tsu duɔ, ni anihao hãa tsu wuleɔ ewoɔ mli.

¹⁹ Ŋmaa hãa mɔ miishɛɛ, ni wain hãa mɔ mli filiɔ lɛ, shi eko fɛɛ eko lɛ shika akɛfeɔ.

²⁰ Kaalomɔ maŋtsɛ yɛ oyitsoŋ tete, ni kaalomɔ niiatsɛ hu yɛ osɛɛtsu mli, ejaakɛ gbogbo he yɛ folɔ.