Abe̱i 4 - ŊMALƐ KRƆŊKRƆŊ LƐ

Nilee he sɛɛnamɔ

¹ Bii, nyɛboa nyɛtsɛ tsɔsemɔ lɛ toi, ni nyɛfea toi ni nyɛlea sanesɛɛkɔmɔ.

² Jeŋba kpakpa he ŋaa miwoɔ nyɛ nɛɛ; nyɛkakwaa mitsɔ̃ɔmɔ lɛ.

³ Be ni mi ji gbekɛnuu yɛ mitsɛ masɛi, ni minyɛ bi koome ni eshwɛɛɛ ehe ji mi lɛ, mitsɛ tsɔ̃ɔ mi nii, ni ekɛɛ mi akɛ,

⁴ “Hã otsui amɔ miwiemɔi amli, ye mikitãi ni miwoɔ bo lɛ anɔ, ni oyi aaana wala.

⁵ Na nilee kɛ sanesɛɛkɔmɔ. Ohiɛ akakpa midaaŋ wiemɔi lɛ anɔ, ni kaaŋmɛɛ he hu.

⁶ Kaakwa nilee, ni eeebaa oyi; suɔmɔ lɛ, ni eeebu ohe.

⁷ Nilee shishijee ji ona nilee, ni nɔ fɛɛ nɔ ni ona lɛ okɛtao sanesɛɛkɔmɔ sɛɛgbɛ.

⁸ Buu nilee akɛ nɔ ko ni jara wa, ni eeewo onɔ; kɛji oloo lɛ atuu lɛ, eeewo ohiɛ nyam.

⁹ Nilee aaafi bo anunyam akekre, ni eeebu bo maŋtsɛ fai ni yɔɔ fɛo.”

¹⁰ Mibi, bo toi, ni omɔ miwiemɔi lɛ amli koni owala sɛɛ atsɛ.

¹¹ Mitsɔ̃ɔ bo nilee gbɛ lɛ; mikɛ bo etsɔ̃ jalɛ tɛmpɔŋi anɔ.

¹² Kɛji onyiɛ gbɛi nɛɛ anɔ lɛ onane etɔ̃tɔ̃ŋ, ni kɛji ojo foi yɛ nɔ po, otɛŋ.

¹³ Mɔ tsɔsemɔ mli waa, kaaŋmɛɛ he. Okɛto jogbaŋŋ, shi no ji owala.

¹⁴ Kaayi yiwalɔi agbɛ nɔ, ni mɛi fɔ̃ji agbɛ hu okanyiɛ nɔ.

¹⁵ Wii ohe kɛje gbɛ fɔŋ nɔ, kaayi nɔ; tsi ohe kɛje nɔ kwraa, ni ofo mli kɛya.

¹⁶ Ejaakɛ mɛi fɔ̃ji wɔɔɔ akɛ ja amɛfee efɔŋ dã. Wɔ po tseɔ yɛ amɛhiɛ ja amɛna mɔ ko awui amɛye dã.

¹⁷ Ejaakɛ efɔŋfeelɔi aŋmãa ji yiwalɛ, ni amɛwain ji basabasafeemɔ.

¹⁸ Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

¹⁹ Mɛi fɔ̃ji agbɛ lɛ etamɔ duŋ kabitii; amɛtɛrɛɔ, ni amɛnaaa nibii ni amɛtɛrɛɔ lɛ.

²⁰ Mibi, ka otoi ohã miwiemɔi lɛ; ba otoi shi ohã nɔ ni mikɛɔ lɛ.

²¹ Ohiɛ akaje nɔ. Kɛto otsui mli tɔ̃ɔ.

²² Ejaakɛ wala eji hã mɔ ni nine shɛɔ nɔ, ni eji tsabaa hã ehewojiaŋ fɛɛ.

²³ Ohiɛ akã otsui he fe nii fɛɛ; ejaakɛ no mli wala jɛɔ.

²⁴ Wiemɔ gbonyo akaje onaa; ni kaaye kutumpɔo.

²⁵ Too ohiɛ tɛ̃ɛ, ohiɛ ama he ni oyaa lɛ nɔ.

²⁶ Le onanefãamɔ, kɛkɛ lɛ ogbɛi fɛɛ aaaja ahã bo.

²⁷ Kaagba ejurɔ loo abɛku. Tsi ohe kɛje efɔŋ he.