Abe̱i 21 - ŊMALƐ KRƆŊKRƆŊ LƐ

¹ Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

² Gbɔmɔ gbɛ fɛɛ gbɛ ja yɛ lɛ diɛŋtsɛ ehiɛ; shi Yehowa lɛ, lɛ lɛ, tsui mli ekwɛɔ.

³ Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

⁴ Henɔwomɔ kɛ hewoo tsui lɛ, efɔŋfeelɔi akane ni, ni esha ni.

⁵ Hiɛshikãlɔ jwɛŋmɔ lɛ ekɛ shweremɔ baa; shi mɔ ni kɛ hejojomɔ feɔ nɔ lɛ, ekɛ ohia baa.

⁶ Jwetri ni akɛ lakamɔ na lɛ, lamɔ ni hoɔ ni, ni gbele taomɔ ni.

⁷ Efɔŋfeelɔi anifeemɔi fɔ̃ji lɛ, no nɔŋŋ kpãtãa amɛhiɛ; ejaakɛ amɛkpɛlɛ̃ɛɛ ni amɛfee nɔ ni ja.

⁸ Mɔ ni eye fɔ lɛ, lɛ lɛ, egbɛ ejaaa; shi bemyelɔ lɛ, lɛ egbɛ ja.

⁹ Faŋ nɔ ni oyahi tsu yiteŋ kpokplobiiaŋ, fe nɔ ni okɛ yoo beilɔ aaahi shĩa komeŋ.

¹⁰ Yiwalɔi nyaa efɔŋfeemɔ he, amɛnanemɛi po anii efeee amɛ mɔbɔ.

¹¹ Kɛ agbala hefɛoyelɔ toi lɛ, mɔ ni jwɛŋmɔ esako kaseɔ nii kɛjɛɔ mli; ni kɛ atsɔ̃ɔ nilelɔ nii lɛ, eleɔ nii.

¹² Nyɔŋmɔjalɔ lɛ, enaa nɔ ni yaa nɔ yɛ mɔ fɔŋ we; etsiɔ mɔ fɔŋ lɛ etswaa shi, ni ekpãtãa ehiɛ.

¹³ Mɔ ni tsimɔɔ etoi ni ekanu ohiafo blɔmɔ lɛ, lɛ diɛŋtsɛ lɛ, eeebolɔ ni aboŋ lɛ toi.

¹⁴ Teemɔŋ nikeenii kpãtãa mlifu; ni nikeenii ni jɛ tsui mli hu kuɔ mlila ni naa wa naa.

¹⁵ Kɛ aye jalɛ sane lɛ, jalɔi naa miishɛɛ; shi edɔɔ efɔŋfeelɔi.

¹⁶ Mɔ ni kɔɔɔ sane sɛɛ lɛ, enaagbeehe ji gbohiiaje; eeeyahi gbohii agwabɔɔ lɛ mli.

¹⁷ Mɔ ni daaŋ ŋɔɔ lɛ, ni eyeɔ pɔkũu nii lɛ, ohĩa hiaa lɛ; ni mɔ ni sumɔɔ wain lɛ, enaŋ nii.

¹⁸ Gbɔmɔ fɔŋ lɛ, jalɔ kpɔ̃mɔnii ni; ni kutumpɔfo lɛ, mɔ ni eye emuu kpɔ̃mɔnii ni.

¹⁹ Faŋ nɔ ni oyahi shiaŋa nɔ moŋ fe nɔ ni okɛ yoo beilɔ yrɛdɛɛ aaahi shi.

²⁰ Abaa jwetri ni jara wa kɛ mu yi yɛ nilelɔ we; shi kwashia lɛ, kpãtãmɔ ekpãtãa hiɛ.

²¹ Mɔ ni nyiɛɔ jalɛ kɛ mɔbɔnalɛ sɛɛ lɛ, enaa wala kɛ hiɛnyam.

²² Nilelɔ kwɔɔ kãkãlɔi amaŋ he gbogbo, ni ekumɔɔ mɔɔ ni amɛhiɛ kã nɔ lɛ.

²³ Mɔ ni mɔɔ enaabu kɛ elilɛi mli lɛ, ejieɔ ehe kɛjeɔ haomɔ mli.

²⁴ Mɔ ni woɔ ehe, ni etsɛɔ ehe, ni etsɔ̃ɔ ehe lɛ, atsɛɔ lɛ “hefɛoyelɔ.”

²⁵ Anihaolɔ nitaomɔnii gbeɔ lɛ, ejaakɛ eniji ekpɛlɛ̃ɛɛ nitsumɔ.

²⁶ Daa gbi lɛ, mɔ fɔŋ hiɛ miikɔ̃ nii nɔ; shi jalɔ lɛ ehãa, ni ekãmãaa.

²⁷ Efɔŋfeelɔ afɔle lɛ, nihiinii ni; blɔblɔ ni ekɛba kɛ yiŋsha.

²⁸ Amale odasefonyo hiɛ aaakpãtã; shi wiemɔ ni jɛɔ mɔ ni nu sane daaŋ lɛ, ehiɔ shi daa.

²⁹ Mɔ fɔŋ kwaa ehãhãa ehiɛ, shi jalɔ toɔ egbɛjianɔ pɛpɛɛpɛ.

³⁰ Gbɔmɔ nilee loo eniiashishinumɔ, loo eŋaawoo ko bɛ ni kɛ Yehowa nɔ lɛ aaafu daa.

³¹ Asaa okpɔŋɔ atoɔ tawuu gbi; shi kunimyeli lɛ, Yehowa dɛŋ ejɛɔ.