Abe̱i 16 - ŊMALƐ KRƆŊKRƆŊ LƐ

¹ Yiŋtoo lɛ gbɔmɔ adesa nɔ ni; shi nɔ ni lilɛi wieɔ lɛ, Yehowa ŋɔɔ ejɛɔ.

² Gbɔmɔ gbɛi fɛɛ ja yɛ ehiɛ; shi Yehowa lɛ, ekwɛɔ mumɔ ni yɔɔ sɛɛ.

³ Tuu onitsumɔi owo Yehowa dɛŋ, ni oyiŋtoi aaama shi shiŋŋ.

⁴ Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

⁵ Yehowa miihi mɔ fɛɛ mɔ ni woɔ ehe; kɛ ata abasa yɛ nɔ po, abaagbala etoi.

⁶ Anɔkwayeli nɔ Yehowa damɔɔ ni ekɛ eshai faa; ni mɔ ni sheɔ Yehowa gbeyei lɛ, ewiɔ ehe kɛjeɔ efɔŋ he.

⁷ Kɛji gbɔmɔ adesa jeŋba sa Yehowa hiɛ lɛ, ehãa ehenyɛlɔi tete kɛ lɛ kpãtãa.

⁸ Nii fioo ni ana yɛ anɔkwayeli mli lɛ, ehi fe nii babaoo ni atsɔ̃ gbɛ fɔŋ nɔ ana.

⁹ Gbɔmɔ adesa toɔ egbɛi ahe ŋaa; shi Yehowa ji mɔ ni kudɔɔ enanefãamɔi.

¹⁰ Ŋwɛi hewalɛ yɛ maŋtsɛ wiemɔ mli; ni maŋtsɛ naa kpaaa yɛ atɛŋbuu mli.

¹¹ Nsɛni kɛ nsɛnitɛ ni yɔɔ shishiishi lɛ, Yehowa nii ni; ni kotoku lɛ mli nsɛnitɛi lɛ fɛɛ lɛ, enitsumɔnii ni.

¹² Eji nihiinii akɛ maŋtsɛ aaafee efɔŋ; ejaakɛ jalɛ ni hãa maŋtsɛ sɛ̃i maa shi shiŋŋ.

¹³ Maŋtsɛ nyaa mɔ ni wieɔ jalɛ wiemɔ he, ni esumɔɔ mɔ ni wieɔ jalɛ wiemɔ.

¹⁴ Kɛji maŋtsɛ mli fu lɛ, gbele aaanyɛ ajɛ mli aba; shi nilelɔ jɔɔ maŋtsɛ tsui he.

¹⁵ Maŋtsɛ hiɛ ni etseɔ ehãa mɔ lɛ, no mli wala yɔɔ, ni emɔhetsuinamɔ tamɔ atatu ni nɛɔ gbo nu.

¹⁶ Kɛji ole nii lɛ ehi aahu fe shika; ni kɛji oyɛ niiashishinumɔ lɛ, ehi fe jwiɛtɛi.

¹⁷ Jalɔi agbɛ gbaa kɛjeɔ efɔŋ he; mɔ ni kwɛɔ ejeŋba jogbaŋŋ lɛ, ebaa ewala yi.

¹⁸ Hewoo tsɔ̃ɔ hiɛkpãtãmɔ hiɛ; ni hetsɔ̃ɔmɔ mumɔ tsɔ̃ɔ shigbeemɔ hiɛ.

¹⁹ Ehi akɛ ohi shi akɛ humi yɛ ohiafoi ateŋ, fe nɔ ni okɛ hewolɔi aaaja nomŋɔɔnii.

²⁰ Mɔ ni yeɔ Yehowa wiemɔ nɔ lɛ, eeeshwere; ni mɔ ni kɛ ehiɛ fɔ̃ɔ Yehowa nɔ lɛ, enaa miishɛɛ.

²¹ Mɔ ni le nii lɛ, atsɛɔ lɛ hiɛtɛ̃lɔ; ni wiemɔ ni ŋɔɔ lɛ, no tsakeɔ mɔ jwɛŋmɔ.

²² Nilee lɛ wala nubu ni hã nilelɔ; shi mɔ ni tsɔ̃ɔ buulu nii lɛ, eefee kwashiaianii.

²³ Nilelɔ susuɔ nii ahe dani ewieɔ, ni ehãa ewiemɔ ŋɔɔ mɔ naa.

²⁴ Naajɔlɛ wiemɔ lɛ, etamɔ wo agbaku; eŋɔɔ susuma naa, ni ehãa gbɔmɔtso hewalɛ.

²⁵ Gbɛ ko yɛ ni ja yɛ gbɔmɔ hiɛ; shi enaagbee lɛ gbele gbɛ ni.

²⁶ Nitsulɔ lɛ, nii ni baa etsine lɛ, no hãa etsuɔ nii waa, ni no nɔŋŋ woɔ lɛ ekãa.

²⁷ Yakagbɔmɔ toɔ efɔŋfeemɔ he ŋaa fɔŋ, ni edaaŋ wiemɔ shãa mɔ tamɔ la.

²⁸ Kutumpɔfo gbɛɔ bei eshwãa, ni oshekuyelɔ tserɛɔ nanemɛi ateŋ.

²⁹ Basabasafeelɔ lakaa ehe gbɔmɔ, ni ekpalaa lɛ kɛyaa gbɛ fɔŋ nɔ.

³⁰ Mɔ ni bɛɔ mɔ hiŋmɛi lɛ, etoɔ yiŋ fɔŋ; ni mɔ ni kɔ̃ɔ enaa ablafa lɛ, ehãa efɔŋ baa mli.

³¹ Waŋ lɛ, anunyam akekre ni; jalɛ shihilɛ mli pɛ anaa yɛ.

³² Mɔ ni mli fuuu mra lɛ ehi fe kãkãlɔ; ni mɔ ni yeɔ emumɔ nɔ lɛ, ehi fe mɔ ni yeɔ maŋ nɔ kunim.

³³ Afɔ̃ɔ oshiki kɛtaoɔ nii anaa; shi bɔ ni eeetamɔ lɛ, Yehowa ji mɔ ni tsɔ̃ɔ.