1 Samuel 27 - ŊMALƐ KRƆŊKRƆŊ LƐ

David yɛ Filistibii lɛ ateŋ

¹ David kɛɛ ehe akɛ, “Mihiɛ nɛkɛ aahu ni Saul nine aaashɛ minɔ gbi ko, ni eeegbe mi. Nɔ pɛ ni sa mi feemɔ agbɛnɛ ji akɛ majo foi kɛya Filistibii ashikpɔŋ lɛ nɔ. No baahã Saul nijiaŋ aje wui, ni ebaafɔ̃ɔ mi gbɔbimɔ yɛ Israel shikpɔŋ lɛ nɔ, ni maye mihe.”

² Enɛ hã David kɛ ewebii hii ohai ekpaa ni fata ehe lɛ shwie nɔ kɛtee Maok bi Akish, Gat maŋtsɛ lɛ, ŋɔɔ.

³ David kɛ ewebii lɛ kɛ eŋãmɛi enyɔ, ni ji Ahinoam, Yezreel yoo lɛ, kɛ Abigail, Karmel yoo lɛ ni ji Nabal okulafo, lɛ.

⁴ Be ni Saul na le akɛ David ejo foi kɛtee Gat lɛ, Saul kpa David sɛɛ tiumɔ.

⁵ David kɛɛ Akish akɛ, “Kɛji ona mihe tsuijurɔ lɛ hã mi he ko yɛ ŋa lɛ nɔ maji lɛ eko mli koni mayahi jɛi, ejaakɛ efeee mi akɛ ehi jogbaŋŋ akɛ mi kɛ bo fɛɛ aaahi maŋtsɛmaŋ lɛ mli.”

⁶ Akish damɔ David wiemɔ nɛɛ nɔ ni ekɛ Ziklag hã David nakai gbi lɛ nɔŋŋ. Biɛ tsɔ̃ ni Ziklag maŋ lɛ tsɔ̃ Yuda maŋtsɛmɛi anɔ kɛbashi ŋmɛnɛ.

⁷ David hi shi afi kɛ nyɔji ejwɛ yɛ Filistibii ashikpɔŋ lɛ nɔ.

⁸ Nɛkɛ be nɛɛ mli lɛ David kɛ ewebii lɛ fãa, ni amɛyatuaa Geshurbii lɛ kɛ Girzibii lɛ kɛ Amalekbii ejaakɛ amɛ amɛyɔɔ shikpɔŋ lɛ nɔ kɛjɛ Shur aahu kɛyashwie Ijipt kɛjɛ sa.

⁹ David yatuaa gbɔmɛi nɛɛ, ni egbeɔ hii kɛ yei fɛɛ, ni eloɔ amɛtoi kɛ tsinai kɛ tejii kɛ yoomai kɛ atadei hu, kɛkɛ lɛ eku esɛɛ kɛba Akish ŋɔɔ.

¹⁰ Kɛji Akish bi David akɛ, “Ni namɛi ofɔ̃ nyɛyaye ŋmɛnɛ lɛ?” David kɛɔ Akish akɛ, “Wɔyatua Yudabii lɛ awuoyigbɛ, aloo Wɔyatua Yerameelbii lɛ awuoyigbɛ lɛ, aloo Wɔyatua Kenbii lɛ awuoyigbɛ lɛ.”

¹¹ Kɛji David tee ofɔ̃yeli lɛ, nuu ni jio, yoo ni jio, David shiii mɔ ko mɔ ko hiɛkãalɔ koni akabagba yɛ Gat akɛ, “Nɛkɛ kɛ nɛkɛ ji nɔ ni David feɔ.” Bɔ ni David hi shi nɛ, bei abɔ fɛɛ ni eye yɛ Filistibii lɛ ateŋ lɛ.

¹² Akish he David eye, ni ekɛɛ yɛ ehe akɛ, “Bɔ ni ehã esane eje emaŋ Israelbii amɛtsine hewɔ lɛ eeesɔmɔ mi daa.”