1 Samuel 20 - ŊMALƐ KRƆŊKRƆŊ LƐ

Yonatan ye ebua David

¹ Sane nɛɛ sɛɛ lɛ David jo foi yɛ Naiot yɛ Rama kɛba Yonatan ŋɔɔ, ni ebabi lɛ akɛ, “Mɛni mifee? Mɛɛ tɔ̃mɔ mitɔ̃, ni mɛɛ esha po mifee otsɛ hewɔ ni etaoɔ mi egbe nɛɛ?”

² Yonatan kɛɛ David akɛ, “Mɛɛ nakai hu ni akɛ abaagbe bo? Nɔ ko bɛ ni mitsɛ baafee ni ewooo mitoi nɔ, nɔ wulu ni jio, nɔ bibioo ni jio. Mɛni hewɔ mitsɛ kɛ sane nɛɛ baatee mi? Ebɛ mli nakai.”

³ Shi David to he ekɛɛ, “Otsɛ le faŋŋ bɔ ni osumɔɔ misane, ni no hewɔ lɛ, eyiŋtoo ji akɛ okale, no lɛ sane lɛ baadɔ bo. Mina Yehowa kɛ bo diɛŋtsɛ hu akɛ ekã shi faŋŋ akɛ mikɛ gbele teŋ jekɛɛɛ.”

⁴ Yonatan kɛɛ David akɛ, “Bi mi nɔ fɛɛ nɔ ni otaoɔ, ni mafee mahã bo.”

⁵ David kɛɛ Yonatan akɛ, “Wɔ lɛ nyɔŋ hee baaje, ni kulɛ esa akɛ mikɛ maŋtsɛ ayata shi aye nii; shi ofainɛ, ŋmɛɛ mi gbɛ koni maya ni mayatee mihe yɛ ŋa lɛ nɔ kɛyashi biɛ gbii etɛ̃ gbɛkɛ.

⁶ Kɛji otsɛ bi mishi lɛ, okɛɛ lɛ akɛ, ‘David bi mi gbɛ kpɛ̃kpɛ̃ɛkpɛ̃ akɛ eesha foi eya emaŋ Betlehem nɔŋŋ ni eba, ejaakɛ eweku fɛɛ miishã daa afi afɔle yɛ jɛi.’

⁷ Kɛji eto he akɛ ‘Ojogbaŋŋ,’ lɛ; no lɛ miye mihe. Shi kɛji emli fu lɛ, no tsɔ̃ɔ akɛ eto eyiŋ akɛ ebaafee mi efɔŋ.

⁸ No hewɔ lɛ, feemɔ mi ejurɔ nɛɛ, yɛ kpãŋmɔ krɔŋkrɔŋ ni okɛ mi ekpãŋ lɛ hewɔ. Kɛji miyeɔ fɔ lɛ, bo diɛŋtsɛ gbee mi; ejaakɛ mɛɛ hewɔ ni okɛ mi aaayahã otsɛ?”

⁹ Yonatan kɛɛ lɛ akɛ, “Enɛ akagbale mi fɔ̃ŋfɔ̃. Kɛji efo mitoi naa kɛkɛ po akɛ mitsɛ etswa fai shi akɛ ebaafee bo efɔŋ lɛ, ani mikɛŋ bo?”

¹⁰ Kɛkɛ ni David kɛɛ Yonatan akɛ, “Kɛji aleee nɔ ni otsɛ aaaŋmɛ bo naa sha lɛ, namɔ po aaahã male?”

¹¹ Yonatan to he ekɛɛ, “Ba ni wɔtee ŋa lɛ nɔ.” No hewɔ lɛ, amɛyi mli, amɛyi enyɔ lɛ, ni amɛtee ŋa lɛ nɔ.

¹² Be ni amɛyashɛ jɛi lɛ, Yonatan kɛɛ David akɛ, “Yehowa, Israel Nyɔŋmɔ lɛ, aaaye mi odase. Kɛji mita mitsɛ yitso he mikwɛ, ni mina akɛ eyɛ ohe tsuijurɔ lɛ matsu oŋɔɔ wɔ, loo wɔsɛɛ, nɛkɛ be mli pɛpɛɛpɛ, koni abawo otoi nɔ.

¹³ Shi kɛji mitsɛ eto eyiŋ doo akɛ efɔŋ nɔŋŋ ebafee bo, ni mihãaa ole koni ojo foi oya shweshweeshwe lɛ, no lɛ Yehowa awo mi he nyɔmɔ kɛteke nɔ. Yehowa kɛ bo ahi shi tamɔ bɔ ni ekɛ mitsɛ ehi shi lɛ.

¹⁴ Wɔsɛɛ ko kɛji miyɛ wala mli lolo lɛ, omli ahi ahã mi yɛ Yehowa suɔmɔ krɔŋŋ lɛ naa, ni kɛji migbo lɛ,

¹⁵ ohiɛ akakpa nɔ koni ofee mishwiei ejurɔ kɛya naanɔ. Be ni Yehowa aaakpãtã ohenyɛlɔi fɛɛ ahiɛ yɛ shikpɔŋ lɛ nɔ lɛ,

¹⁶ David we lɛ hiɛ akakpa Yonatan nɔ. Yehowa aaatɔ David he owele yɛ David henyɛlɔi anɔ.”

¹⁷ Yonatan hã David saa kã lɛ kitã ekoŋŋ akɛ ehiɛ akakpa amɛteŋ suɔmɔ lɛ nɔ, ejaakɛ Yonatan sumɔɔ David tamɔ bɔ ni esumɔɔ lɛ diɛŋtsɛ ehe lɛ.

¹⁸ Kɛkɛ ni Yonatan kɛɛ David akɛ, “Wɔ lɛ nyɔŋ hee baaje, ni aaabi oshi, ejaakɛ osɛi lɛ nɔ baakã efolo.

¹⁹ Ni gbi ni ji etɛ̃ lɛ nɔ lɛ abaakɔ sɛɛ fe nine akɛ obɛ. Nakai gbi lɛ yaa ni oyatee ohe yɛ tɛi ni bua shi yɛ jɛi lɛ ahe he ni oyatee ohe yɛ be ni sane nɛɛ tsɔ̃ naa shi lɛ.

²⁰ Mibatserɛ̃ gãii etɛ̃ mawo tɛi lɛ amasɛi gbɛ oookɛɛ mitsɛ̃ nɔ ko pɔtɛɛ ko gãi.

²¹ Kɛkɛ lɛ mibatsu oblanyo fioo ko, ni makɛɛ lɛ akɛ, ‘Yaatao gãii lɛ kɛba.’ Kɛji mikɛshi sɛɛ fee sɛɛ akɛ, ‘Okwɛɛɛ, gãii lɛ yɛ obiɛgbɛ moŋ, kɔlɔmɔ kɛba lɛ,’ no tsɔ̃ɔ akɛ oba, ejaakɛ mina Nyɔŋmɔ akɛ sane fɔŋ ko yeŋ bo, ni obaafee shweshweeshwe.

²² Shi kɛji mikɛɛ oblanyo lɛ akɛ, ‘Okwɛɛɛ? Gãii lɛ eteke bo’ lɛ, no tsɔ̃ɔ akɛ ojo foi ni oya, ejaakɛ Yehowa ejie bo gbɛ.

²³ Yehowa ji mi kɛ bo teŋ odase yɛ shii ni wɔwoowoo wɔhe nɛɛ he kɛmiiya naanɔ.”

²⁴ No hewɔ lɛ, David yatee ehe yɛ ŋa lɛ mli. Be ni nyɔŋ hee lɛ je lɛ Maŋtsɛ Saul ba niyenii lɛ ashi.

²⁵ Eta esɛ̃i ni maa gbogbo lɛ he lɛ nɔ, nɔ nɔ ni etaa daa lɛ, ni Yonatan ta ehiɛ tuuŋtu, ni Abner ta Saul masɛi. David tamɔhe lɛ kã efolo;

²⁶ shi Saul ekɛɛɛ nɔ ko nakai gbi lɛ, ejaakɛ esusumɔ ji, “Sane ko eba David nɔ, ni etsuuko ehe, ni no hewɔ lɛ, ehe tseee.”

²⁷ Shi enɔ jetsɛremɔ, ni ji nyɔŋ hee lɛ nɔ gbi ni ji gbii enyɔ lɛ, be ni David tamɔhe lɛ kã efolo ekoŋŋ lɛ, Saul bi Yonatan akɛ, “Mɛni hewɔ Yeshai bi lɛ bako niyeli nyɛ kɛ ŋmɛnɛ fɛɛ nɛɛ lɛ?”

²⁸ Yonatan here Saul nɔ ni ekɛɛ akɛ, “David bi mi gbɛ kpɛ̃kpɛ̃ɛkpɛ̃ koni eya Betlehem ni eba.

²⁹ Ekɛɛ mi akɛ, ‘Ofainɛ, ŋmɛɛ mi gbɛ ni maya maba, ejaakɛ wɔweku lɛ miishã afɔle yɛ maŋ lɛ mli, ni minyɛminuu lɛ eshɛ mi akɛ miba. No hewɔ lɛ, kɛji oosumɔ misane lɛɛlɛŋ lɛ hã maya ni mayasara minyɛmimɛi lɛ maba.’ Enɛ hewɔ ni ebako maŋtsɛ okplɔŋmɛɛ lɛ shishi nɛɛ.”

³⁰ Saul mli fu wo Yonatan naakpa, ni ekɛɛ lɛ akɛ, “Gbee yoo yakagbɔmɔ fɔŋ kɛ atuatselɔ bi ni tamɔ bo! Okɛ Yeshai bi lɛ miibɔ, ni okɛmiiwo bo diɛŋtsɛ kɛ onyɛ fɛɛ hiɛ mama nɔ yɛ maŋ.

³¹ Naa, gbii abɔ ni Yeshai bi nɛɛ hiɛ kã lɛ, bo diɛŋtsɛ ni jio, omaŋtsɛyeli lɛ ni jio, eko fɛɛ eko yi etɔ̃. No hewɔ lɛ, tsu koni ayaŋɔ lɛ abahã mi ejaakɛ ja egbo.”

³² Yonatan here etsɛ Saul nɔ ni ekɛɛ akɛ, “Mɛni hewɔ sa akɛ egbo? Mɛni efee?”

³³ Shi kometoo lɛ Saul fɔ̃ ekpɔlɔ lɛ, ni kulɛ ekɛmiitsu Yonatan koni egbe lɛ. Enɛ Yonatan kɛna akɛ etsɛ eŋmɔ eyiŋ kpɔ lɛɛlɛŋ akɛ ebaagbe David.

³⁴ Yonatan te shi kɛ mlifu ni naa wa kɛshi okplɔ̃ lɛ shi; ni nakai gbi lɛ, ni ji nyɔŋ lɛ nɔ gbi ni ji enyɔ lɛ nɔ lɛ, Yonatan yeee nii lɛ eko, ejaakɛ David sane miidɔ lɛ tsɔ̃, ni asaŋ akɛ etsɛ Saul ewo lɛ Yonatan lɛ hiɛgbele nɛkɛ.

³⁵ Gbi lɛ nɔ jetsɛremɔ leebi lɛ, Yonatan tee ŋa lɛ nɔ bɔ ni ato lɛ, ni ekɛ oblanyo fioo ko nyiɛ.

³⁶ Yonatan kɛɛ oblanyo fioo lɛ akɛ, “Sha foi koni oyatao gãii ni matserɛ̃ lɛ kɛba.” Be mli ni oblanyo lɛ hiɛ foi kɛyaa lɛ Yonatan tsɛ̃ gãi kroko kɛteke lɛ.

³⁷ Ni be ni oblanyo lɛ yashɛ he ni gãi lɛ yagbee lɛ, Yonatan bo ni ekɛɛ oblanyo lɛ akɛ, “Okwɛɛɛ? Gãi lɛ eteke bo!

³⁸ Feemɔ mramra, ohe afee oya, kaadamɔ shi!” Oblanyo lɛ yakɔlɔ gãii lɛ kɛba enuŋtsɔ lɛ ŋɔɔ.

³⁹ Anɔkwa, oblanyo lɛ leee nɔ ni afee lɛ shishi kwraa. Yonatan kɛ David kɛkɛ ni le.

⁴⁰ Yonatan kɛ enibii lɛ hã oblanyo lɛ, ni ekɛɛ lɛ akɛ, “Baaho, ni okɛya maŋ lɛŋ.”

⁴¹ Oblanyo lɛ tee nɔŋŋ pɛ kɛkɛ ni David fã kpo kɛjɛ tɛi ni bua shi lɛ ahe, ni ekɛ ehiɛ babu shi ni ekoto Yonatan shii etɛ̃. Be ni David kɛ Yonatan eshwɔshwɔɔ amɛnaa sɛɛ lɛ, amɛwo yara amɛfo aahu kɛyashi David nɔ teke nɔ.

⁴² Kɛkɛ ni Yonatan kɛɛ David akɛ, “Anyɛmi, gbii abɔ kɛ̃ ni wɔyi enyɔ lɛ fɛɛ wɔkamɔ wɔhe kitã yɛ Yehowa gbɛi mli akɛ, ‘Yehowa aye abua mi kɛ bo, kɛ mishwiei kɛ bo hu oshwiei kɛya naanɔ’ lɛ, yaaba jogbaŋŋ.” Kɛkɛ ni David tsɔ̃ ehe ni etee, ni Yonatan hu ku esɛɛ etee maŋ lɛ mli.