1 Samuel 10 - ŊMALƐ KRƆŊKRƆŊ LƐ

¹ Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.

² Kɛji okɛ mi gbala mli ŋmɛnɛ ni ooya lɛ, okɛ hii enyɔ komɛi baakpe yɛ Rahel saŋ lɛ he yɛ Zelza, yɛ Benyamin shikpɔŋ lɛ nɔ. Gbɔmɛi nɛɛ baakɛɛ bo akɛ, ‘Tejii lɛ ni otee amɛtaomɔ lɛ ana amɛ. No hewɔ lɛ, otsɛ efɔ̃ɔ tejii lɛ ahe jwɛŋmɔ, ni etsui miiye yɛ ohewɔ.’ Eekɛɛ akɛ, ‘Te mafee tɛŋŋ yɛ mibi lɛ hewɔ hu?’

³ Kɛji oshi jɛi lɛ obaaya ohiɛ aahu kɛyashi oooyashɛ Tabor odum kpeteŋkple lɛ he. Hii etɛ̃ komɛi ni miiya Betel ayashã afɔle ahã Nyɔŋmɔ kɛ bo baakpe yɛ jɛi. Amɛteŋ mɔ kome hiɛ abotiabii etɛ̃, ni mɔ kome hu hiɛ aboloo akwaabɔi etɛ̃, ni mɔ kome hu hiɛ wain wolo tɔ kome.

⁴ Amɛbaafala bo, ni amɛbaahã bo aboloo akwaabɔi enyɔ; hemɔ.

⁵ No sɛɛ lɛ, obaaya oyashɛ Nyɔŋmɔ Gɔŋ lɛ nɔ yɛ Gibea he ni Filistibii asraafoi yɔɔ lɛ. Kɛji obɛŋkɛ maŋ lɛ, okɛ gbalɔi asafo ku baakpe ni amɛjɛ afɔleshãa latɛ lɛ he yɛ gɔŋ lɛ nɔ amɛmiikpeleke shi, ni akɛ obenta kɛ milɛ kɛ blɛ kɛ saŋku nyiɛ amɛhiɛ, ni asaŋ amɛmiigba.

⁶ Yehowa mumɔ lɛ baatsi bo, ni obaaya oyashi gbalɔi nɛɛ anɔ kɛgba, ni obaatsɔ gbɔmɔ kroko kwraa.

⁷ Kɛji okadii nɛɛ ba mli nakai hã bo lɛ, nɔ fɛɛ nɔ ni aaaje ogbɛfaŋ lɛ ofee ejaakɛ Nyɔŋmɔ ni baakpala bo.

⁸ No sɛɛ lɛ, otsɔ̃ mihiɛ kɛya Gilgal. Miiba jɛi ni mibashã shãa afɔlei kɛ shidaa afɔlei. Hii shi yɛ jɛi ni omɛ gbii kpawo kɛyashi mibaba mibanina bo, ni matsɔ̃ɔ bo nɔ ni ofee.”

⁹ Be ni Saul tsɔ̃ ehe ni eshi Samuel lɛ, Nyɔŋmɔ tsake Saul tsui. Okadii lɛ fɛɛ ba mli nakai gbi lɛ.

¹⁰ Saul kɛ oblanyo tsulɔ lɛ yashɛ Gibea pɛ, ni gbalɔi asafo ku ko kɛ Saul bakpe. Kɛkɛ ni Nyɔŋmɔ mumɔ lɛ bayi Saul nɔ, ni eyashi gbalɔi lɛ anɔ ni ekɛ amɛ gba.

¹¹ Mɛi fɛɛ ni le Saul sa ni asaŋ amɛna akɛ ekɛ gbalɔi lɛ miigba lɛ kɛɛkɛɛ amɛhe akɛ, “Mɛni feɔ Kish bi lɛ nɛɛ? Saul hu etsɔ̃ gbalɔ lo?”

¹² Maŋ lɛ mli nyo ko here nɔ akɛ, “Shi mɛi krokomɛi lɛ, namɛi po ji amɛtsɛmɛi?” Bɔ ni fee ni ana abɛ akɛ, “Mɛni, Saul hu etsɔ̃ gbalɔ lo” lɛ nɛ.

¹³ Be ni Saul egba etã lɛ, etee afɔleshãahe lɛ yɛ gɔŋ lɛ nɔ.

¹⁴ Saul tsɛkwɛ ko bi Saul kɛ eblanyo tsulɔ lɛ akɛ, “Nɛgbɛ nyɛjɛ?” Saul jie naa akɛ, “Wɔtee tejii ataomɔ, ni be ni wɔyanaaa amɛ lɛ wɔtee Samuel ŋɔɔ.”

¹⁵ Saul tsɛkwɛ lɛ kɛɛ akɛ, “Gbaa mi nɔ ni Samuel kɛɛ nyɛ.”

¹⁶ Saul kɛɛ etsɛkwɛ̃ lɛ akɛ, “Ekɛɛ wɔ akɛ ana tejii lɛ.” Shi Saul egbaaa etsɛkwɛ̃ lɛ nɔ ni Samuel kɛɛ yɛ maŋtsɛ ni ebaye lɛ he lɛ.

Ato Saul Maŋtsɛ

¹⁷ Samuel kpee Israelbii lɛ kɛba Yehowa hiɛ yɛ Mizpa,

¹⁸ ni ekɛɛ amɛ akɛ, “Bɔ ni Yehowa, Israel Nyɔŋmɔ, lɛ kɛɛ nɛ, ‘Mi, mikpala Israel kɛje Ijipt, ni mijie nyɛ yɛ Ijiptbii adɛŋ kɛ majimaji ni gba nyɛnaa lɛ hu adɛŋ.

¹⁹ Shi ŋmɛnɛ gbi nɛɛ, nyɛ lɛ nyɛkwa mi, nyɛNyɔŋmɔ lɛ ni hereɔ nyɛyiwala kɛjeɔ nyɛmanehului kɛ nyɛfimɔi fɛɛ amli lɛ, ni nyɛkɛɛ dabida, shi bɔ fɛɛ bɔ ni fee lɛ mito maŋtsɛ mihã nyɛ.’ No hewɔ lɛ, agbɛnɛ nyɛtoa kɛbaa mi Yehowa mihiɛ yɛ nyɛkutsei kɛ nyɛshĩai anaa.”

²⁰ Samuel hã Israel akutsei lɛ fɛɛ tsi ba ekomekome, ni oshiki ni afɔ̃ lɛ yagbee Benyamin akutso lɛ nɔ.

²¹ Ehã Benyamin akutso lɛ tsi ba yɛ amɛwekui anaa, ni oshiki ni afɔ̃ lɛ yagbee Matribii awe lɛ nɔ. Naagbee lɛ ehã Matribii awe lɛ mli hii lɛ tsi ba ekomekome, ni oshiku ni afɔ̃ lɛ yagbee Kish bi Saul nɔ. Shi be ni atao lɛ lɛ, anaaa lɛ.

²² No hewɔ lɛ, aku sɛɛ ni abi Yehowa nii ekoŋŋ akɛɛ, “Ani gbɔmɔ lɛ hu ba biɛ lo?” Yehowa to he akɛ, “Naa, eyateee ehe yɛ jatsui lɛ ateŋ.”

²³ Oya ni asha foi ni ayaŋɔ lɛ kɛba. Be ni Saul badamɔ mɛi lɛ ateŋ lɛ, ekwɔ fe mɔ fɛɛ mɔ kɛjɛ ekɔŋ kɛtee ŋwɛigbɛ.

²⁴ Kɛkɛ ni Samuel kɛɛ maŋbii lɛ fɛɛ akɛ, “Bɛ nyɛna mɔ ni Yehowa eŋɔ lɛ? Mɔ ko mɔ kɔ kɛ lɛ yeee egbɔ yɛ maŋbii lɛ fɛɛ ateŋ.”

²⁵ Agbɛnɛ Samuel gba maŋ lɛ nɔ ni maŋtsɛ lɛ baatsu ahã amɛ kɛ amɛ hu amɛgbɛnaanii ni amɛbaatsu amɛhã maŋtsɛ lɛ. Samuel ŋmala nibii lɛ fɛɛ ewo wolo mli, ni ekɛŋmɛ Yehowa He Krɔŋkrɔŋ lɛŋ. Kɛkɛ ni Samuel wo maŋ lɛ fɛɛ gbɛ ni mɔ fɛɛ mɔ tee eshĩa.

²⁶ Saul hu tee ewe lɛ yɛ Gibea, ni hii kakabãŋi ni Nyɔŋmɔ etsake amɛtsuii fata ehe kɛtee.

²⁷ Shi hii yakagbɔmɛi komɛi kɛɛ akɛ “Te aaafee tɛŋŋ ni mɔnɛ nɛɛ aaahere wɔyiwala lɛ?” Amɛgbe Saul he guɔ, ni amɛbakeee lɛ nɔ ko. Shi Saul ekɛɛɛ nɔ ko.