1 Mose 10 - ŊMALƐ KRƆŊKRƆŊ LƐ

Noa bihii lɛ ashwiei

¹ Noa bihii ni ji Shem kɛ Ham kɛ Yafet ashwiei nɛ; amɛfɔ bihii yɛ nu afua lɛ sɛɛ.

² Yafet bii ji Gomer kɛ Magog kɛ Madai kɛ Yavan kɛ Tubal kɛ Meshek kɛ Tiras.

³ Gomer bii ji Ashkenaz kɛ Rifat kɛ Togarma.

⁴ Yavan shwiei ji Elishahbii kɛ Tarshishbii kɛ Kiprobii kɛ Dodanimbii.

⁵ Mɛnɛɛmɛi amli mɛi jɛ amɛgbɛ amɛshwã ŋshɔnaa shikpɔji kɛ ŋshɔkpɔi lɛ anɔ. Yafet shwiei nɛɛ hi amɛshikpɔji anɔ yɛ amɛwekui amli yɛ amɛmaji amli, amɛteŋ mɔ fɛɛ mɔ kɛ emaŋ wiemɔ.

⁶ Ham shwiei ji Kushbii kɛ Ijiptbii kɛ Libiabii kɛ Kanaanbii.

⁷ Kush shwiei ji Sebabii kɛ Hawilabii kɛ Sabtabii, kɛ Raamabii kɛ Sabtekabii; Raama shwiei ji Shebabii kɛ Dedanbii.

⁸ Kush fɔ bi ko ni atsɛɔ lɛ Nimrod, ni ji mɔ klɛŋklɛŋ ni tsɔ̃ kãkãlɔ yɛ shikpɔŋ lɛ nɔ.

⁹ Eji gbɔbilɔ kpanaa yɛ Nyɔŋmɔ hiɛ. No hewɔ lɛ, afɔɔ kɛɛmɔ akɛ, “Etamɔ Nimrod, gbɔbilɔ kpanaa yɛ Yehowa hiɛ.”

¹⁰ Eje emaŋtsɛyeli shishi yɛ Babilon kɛ Erek kɛ Akad. Maji nɛɛ fɛɛ lɛ Babilon shikpɔŋ lɛ nɔ amɛyɔɔ.

¹¹ Ejɛ shikpɔŋ nɛɛ nɔ kɛtee Asiria, ni eyato Nineve maŋ lɛ kɛ Rehobot Ir kɛ Kala

¹² kɛ Resen ni yɔɔ Nineve kɛ Kala maŋ wulu lɛ teŋ lɛ.

¹³ Ijipt shwiei ji Ludiabii kɛ Anambii kɛ Lehabbii kɛ Naftubii

¹⁴ kɛ Patrusbii kɛ Kaslubii kɛ Kaftorbii, mɛi amli ni Filistibii lɛ jɛ lɛ.

¹⁵ Kanaan fɔ Sidon, ekromɔbi lɛ, kɛ Het.

¹⁶ Lɛ nɔŋŋ eshwiei ji Yebusbii kɛ Amorbii kɛ Girgashbii

¹⁷ kɛ Hivbii kɛ Arkbii kɛ Sinbii

¹⁸ kɛ Arvadbii kɛ Zemarbii kɛ Hamatbii. Fee sɛɛ lɛ Kanaanbii akutsei lɛ gbɛ shwã,

¹⁹ aahu kɛyashi amɛhusu lɛ shɛ Sidon kɛtsɔ̃ Gerar kɛyashi Gaza, kɛjɛ jɛi kɛtsɔ̃ Sodom kɛ Gomora kɛ Adama kɛ Ziboim kɛyashi Lasha.

²⁰ Mɛnɛɛmɛi ji Ham shwiei lɛ. Amɛhi shi yɛ amɛwekuiaŋ kɛ amɛmajiaŋ yɛ amɛshikpɔji lɛ anɔ, amɛteŋ mɔ fɛɛ mɔ kɛ emaŋ wiemɔ.

²¹ Shem ni ji Yafet nyɛmi nukpa lɛ hu yɛ bii. Hebribii fɛɛ lɛ Shem shwiei ni.

²² Shem fɔ Elam kɛ Ashur kɛ Arpakshad kɛ Lud kɛ Aram.

²³ Aram bii ji Uz kɛ Hul kɛ Geter kɛ Meshek.

²⁴ Arpakshad fɔ Shela; ni Shela fɔ Eber.

²⁵ Eber fɔ bii enyɔ, mɔ kome gbɛi ji Peleg, ejaakɛ ebei lɛ amli agbala shikpɔŋ lɛ mli; ni enyɛmi lɛ gbɛi ji Yoktan.

²⁶ Yoktan fɔ Almodad kɛ Shelef kɛ Hazamawet kɛ Yera kɛ

²⁷ Hadoram kɛ Uzal kɛ Dikla

²⁸ kɛ Obal kɛ Abimael kɛ Sheba kɛ

²⁹ Ofir kɛ Hawila kɛ Yobab. Mɛnɛɛmɛi fɛɛ lɛ Yoktan shwiei ni.

³⁰ Amɛshikpɔŋ lɛ jɛ Mesha kɛtee Sefar bokã gɔŋ lɛ he.

³¹ Mɛnɛɛmɛi ji Shem shwiei lɛ. Amɛhi shi yɛ amɛwekuiaŋ kɛ amɛmajiaŋ yɛ amɛshikpɔji anɔ, amɛteŋ mɔ fɛɛ mɔ kɛ emaŋ wiemɔ.

³² Mɛnɛɛmɛi ji Noa shwiei lɛ yɛ amɛwekukpãa naa. Amɛhi amɛmajiaŋ yɛ amɛshikpɔji anɔ. Amɛmli jeŋ maji lɛ jɛ gbɛ shwã jeŋ fɛɛ yɛ nu afua lɛ sɛɛ.