1 Kronika 7 - ŊMALƐ KRƆŊKRƆŊ LƐ

Isakar shwiei lɛ

¹ Isakar fɔ bihii ejwɛ: Tola kɛ Pua kɛ Yashub kɛ Shimron.

² Tola fɔ bihii ekpaa: Uzi kɛ Refaia kɛ Yeriel kɛ Yahemai kɛ Ibsam kɛ Shemuel. Amɛ fɛɛ amɛtsɔmɔ Tola shwiei awekui lɛ anukpai, asaŋ kɛ tatsɛmɛi wuji hu. Maŋtsɛ David yinɔ lɛ Tola shwiei nɛɛ ayibɔ ji akpei nyɔŋmai enyɔ kɛ enyɔ kɛ ohai ekpaa.

³ Uzi fɔ bi kome, ni ji Izrahia. Izrahia fɔ bihii ejwɛ: Mikael kɛ Obadia kɛ Yoel kɛ Ishia. Uzi kɛ ebihii ejwɛ lɛ fɛɛ tsɔmɔ wekui ayitsei.

⁴ Amɛŋɔŋɔɔ yei babaoo ni amɛfɔfɔɔ bii pii bɔ ni yinɔ lɛ eko nɔ lɛ amɛtsɛmɛi awei lɛ hã hii tabilɔi akpei nyɔŋmai etɛ̃ kɛ ekpaa.

⁵ No hewɔ lɛ, Isakar akutso lɛ mli tabilɔi ayikulɛ fee hii akpei nyɔŋmai kpaanyɔ kɛ kpawo.

Benyamin kɛ Dan shwiei

⁶ Benyamin fɔ bihii etɛ̃: Bela kɛ Beker kɛ Yediael.

⁷ Bela fɔ bihii enumɔ: Ezbon kɛ Uzi kɛ Uziel kɛ Yeremot kɛ Iri. Amɛ fɛɛ amɛtsɔmɔ akutso lɛ mli wekui amli onukpai, asaŋ kɛ tabilɔi kãkãlɔi hu; ni hii ni eshɛ tayaa akpei nyɔŋmai enyɔ kɛ enyɔ kɛ nyɔŋmai etɛ̃ kɛ ejwɛ yɛ amɛshwiei ateŋ.

⁸ Beker fɔ bihii nɛɛhu: Zemira kɛ Yoash kɛ Eliezer kɛ Elioenai kɛ Omri kɛ Yeremot kɛ Abia kɛ Anatot kɛ Alemet.

⁹ Be ni akane amɛshwiei ayibɔ yɛ amɛwekui anaa lɛ, ana hii ni eshɛ tayaa akpei nyɔŋmai enyɔ kɛ ohai enyɔ.

¹⁰ Yediael fɔ binuu kome ni ji Bilhan; shi Bilhan fɔ bihii kpawo: Yeush kɛ Benyamin kɛ Ehud kɛ Kenaana kɛ Zetan kɛ Tarshish kɛ Ahishahar.

¹¹ Amɛ fɛɛ amɛtsɔmɔ akutso lɛ mli wekui lɛ amli onukpai, asaŋ kɛ tabilɔi kãkãlɔi hu. Hii ni eshɛ tayaa akpei nyɔŋma kɛ kpawo kɛ ohai enyɔ yɛ amɛshwiei lɛ ateŋ.

¹² Ir fɔ Shupim kɛ Hupim; ni Dan fɔ binuu kome ni ji Hushim.

Naftali shwiei lɛ

¹³ Naftali fɔ bihii ejwɛ: Yaziel kɛ Guni kɛ Yezer kɛ Shalum. Ekɛ Bilha bii ni.

Manase shwiei lɛ

¹⁴ Manase kɛ ehemɔ Aramyoo lɛ fɔ bihii enyɔ: Asriel kɛ Makir mɔ ni tsɔ̃ Gilead tsɛ lɛ.

¹⁵ Makir ŋɔ yei ehã Hupim kɛ Shupim. Makir yɛ nyɛmi yoo ni atsɛɔ lɛ Maaka. Makir binuu ni ji enyɔ lɛ gbɛi ji Zelofehad. Zelofehad fɔ biyei sɔŋŋ.

¹⁶ Makir ŋa ji Maaka, ekɛ lɛ fɔ bihii enyɔ, ni ewo amɛ gbɛi akɛ Peresh kɛ Sheresh. Peresh fɔ bihii enyɔ, Ulam kɛ Rakem;

¹⁷ ni Ulam fɔ binuu ni atsɛɔ lɛ Bedam. Mɛnɛɛmɛi ji Manase bi Makir bi Gilead shwiei lɛ.

¹⁸ Gilead nyɛmi yoo Hamoleket fɔ bihii etɛ̃: Ishod kɛ Abiezer kɛ Mahela.

¹⁹ Shemida fɔ bihii ejwɛ: Ahian kɛ Shekem kɛ Likhi kɛ Aniam.

Efraim shwiei lɛ

²⁰ Naa Efraim shwiei lɛ ayinɔiayinɔi lɛ jɛ lɛ diɛŋtsɛ enɔ: Efraim fɔ Shutela, ni Shutela fɔ Bered; Bered fɔ Tahat, ni Tahat fɔ Eleada, ni Eleada fɔ Tahat.

²¹ Tahat fɔ Zabad, ni Zabad fɔ Shutela. Efraim fɔ bihii enyɔ krokomɛi efata Shutela he. Amɛ ji Ezer kɛ Elead ni agbe amɛ be ni amɛtee amɛyaamɔmɔ Gatbii ni ji shikpɔŋ lɛ nɔ fɔmɔbii lɛ atsinai ekãa naa lɛ.

²² Efraim, amɛtsɛ lɛ, ye amɛhe ŋkɔmɔ gbii abɔ, ni enyɛmimɛi lɛ ba ni amɛbashɛje emii.

²³ Kɛkɛ ni Efraim kɛ eŋã lɛ wɔ, ni yoo lɛ na musu, ni efɔ binuu. Awo lɛ Beria yɛ amanehulu ni Efraim we lɛ ena lɛ hewɔ.

²⁴ Efraim fɔ biyoo ko ni gbɛi ji Sheera. Lɛ ji mɔ ni to maji ni atsɛɔ amɛ Bet-Horon ni yɔɔ Gɔŋ nɔ kɛ Bet-Horon ni yɔɔ Jɔɔŋ kɛ Uzen Sheera fɛɛ.

²⁵ Efraim fɔ bi ko hu ni gbɛi ji Refa. Refa nɛɛ fɔ Reshef; Reshef fɔ Tela, ni Tela fɔ Tahan;

²⁶ Tahan fɔ Ladan ni Ladan fɔ Amihud; ni Amihud fɔ Elishama.

²⁷ Elishama fɔ Nun, ni Nun fɔ Yoshua.

²⁸ Amɛgbɛfaŋ shikpɔŋ ni ahã amɛ koni amɛhi nɔ lɛ, no nɔ Betel maŋ wulu lɛ kɛ ehe maji lɛ kɛjɛ bokãgbɛ aahu kɛyashi Naaran yɔɔ. Yɛ anaigbɛ lɛ amɛshikpɔŋ lɛ tee aahu kɛyashɛ Gezer maŋ wulu lɛ kɛ ehe maji lɛ ahe. Shikpɔŋ nɛɛ nɔ nɔŋŋ Shekem maŋ wulu lɛ kɛ ehe maji lɛ kɛ Aya maŋ wulu kɛ ehe maji lɛ yɔɔ.

²⁹ Manase shwiei lɛ adɛŋ maji wuji ejwɛ nɛɛ kɛ amɛhe maji lɛ baje: Bet-Shan kɛ Taanak kɛ Megido kɛ Dor. Nɛkɛ maji nɛɛ amli Yakob bi Yosef shwiei lɛ hi.

Asher shwiei lɛ

³⁰ Naa Asher shwiei lɛ: Asher fɔ bihii ejwɛ, Imna kɛ Ishva kɛ Ishvi kɛ Beria, kɛ amɛnyɛmi yoo kome ni ji Sera.

³¹ Beria fɔ bihii enyɔ: Heber kɛ Malkiel mɔ ni to Birzait maŋ lɛ.

³² Heber fɔ bihii etɛ̃: Yaflet kɛ Shomer kɛ Hotam kɛ amɛnyɛmi yoo kome, ni ji Shua.

³³ Yaflet hu fɔ bihii etɛ̃: Pasak kɛ Bimhal kɛ Ashvat.

³⁴ Yaflet nyɛmi nuu Shomer fɔ bihii etɛ̃: Roga kɛ Yehuba kɛ Aram.

³⁵ Ni Shomer nyɛmi nuu Hotam fɔ bihii ejwɛ: Zofa kɛ Imna kɛ Shelesh kɛ Amal.

³⁶ Zofa shwiei ji Sua kɛ Harnefer kɛ Shual kɛ Beri kɛ Imra,

³⁷ kɛ Bezer kɛ Hod kɛ Shama kɛ Shilsha kɛ Itran kɛ Beera.

³⁸ Yeter shwiei ji Yefune kɛ Pispa kɛ Ara;

³⁹ ni Ula hu shwiei ji Ara kɛ Haniel kɛ Rizia.

⁴⁰ Mɛnɛɛmɛi ji Asher shwiei ni ji amɛtsɛmɛi ashĩai lɛ amli onukpai lɛ, hii kakabãi kɛ hiɛnaanɔ gbɔmɛi, asaŋ kɛ maŋ lumɛi lɛ ateŋ onukpai hu. Asher shwiei nɛɛ hiɛ hii akpei nyɔŋmai enyɔ kɛ ekpaa ni eshɛ tayaa.