Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Sɔlɔmɔn Edwɛne 8 - BAEBOLO ANZƐƐ BULUKU NWUANZANWUANZA

1 Me kunlu a anrɛɛ ɛle me diema nrenya, mɔɔ ɔmɔ a nloanle wɔ nyɛfonlɛ a! Saa me nee wɔ yiale alie nwo a, anrɛɛ menwɔvo ɛ nloa anwo, yɛɛ awie biala ɛnrɛdwenle nwolɛ.

2 Anrɛɛ me nee wɔ kɛhɔ ɔmɔ mɔɔ nrenzɛle wole me la sua nu, na wɔahile me ɛhulolɛ deɛ holɛ. Anrɛɛ menwɔmaa ɛkɛnlo nwanye mɔɔ ninyɛne evuanlɛ wɔ nu la, me ma ne mɔɔ le kɛ akutue la anu nza.

3 O anrɛɛ yeamaa me ti ala ɔ sa bɛne ne azo, na yeava ɔ sa fema ne yeado me nwo zo.

4 O Gyɛlusalɛm mraalɛ, mese, bɛmmapele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.


Edwɛne mɔɔ to zo nsia Mraalɛ ne mɔ

5 Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.


Raalɛ ne

6 Fa me yɛ ɛyɛlɛ sɔ wɔ ahonle ne anloa yɛ me nzonlɛyɛdeɛ wɔ ɛ sa anwo. Ɔluakɛ ɛhulolɛ yɛ se kɛ ewule, yɛɛ nungule ati yɛ se kɛ funli kuma. Ɔpɛ fɛlɛ a ɔle senle, na ɔsɔ kɛ sendɔlɔra.

7 Nzule ɛngola ɛhulolɛ nua, yɛɛ azuyilɛ ɛngola ye monla. Saa sonla fa ye sua nu anwonyia kɔsɔɔti kɛ ɔfa yeadɔ ɛhulolɛ a, mɔɔ ɔbanyia ye la a le amgbuzilɛ.


Raalɛ ne amediema mrenya

8 Yɛlɛ yɛ diema raalɛ kakula, ɔtɛsuozuale nyɛfonlɛ. Saa kpavolɛ bie babiza ye agyalɛ a, duzu a yɛkɛyɛ yɛkɛmaa adiema raalɛ ne a?

9 Saa ɔle bane a, yɛbazi dwɛtɛ fufule tawa yeamaa ye; na saa ɔle anlenkɛ kpole a, yɛbava sida ndaboa yɛabobɔ.


Raalɛ ne

10 Mele bane, yɛɛ me nyɛfo le ye tawa ne mɔ. Me kulovolɛ ne anye zo a, mele sonla mɔɔ nee anzonudwolɛ lua a.


Nrenya ne

11 Sɔlɔmɔn lɛ vanye egyinli wɔ Beeyale Heemɔn. Ɔfa egyinli ne ɔmaa menli kɛ bɛnlea zo; ko biala fa ma ne anu ezukoa dwɛtɛ fufule apenle ko babu mgbonda maa ye.

12 Melɛ me vanye egyinli, me ti anwo vanye egyinli. O wɔmɔ Sɔlɔmɔn, ɛnyia dwɛtɛ fufule apenle ko a, menli mɔɔ nea ɛya ne la biala nyia ɛya nwiɔ.

13 O wɔmɔ mɔɔ ɛwɔ tola ne anu, me gɔnwo mɔ ɛlɛkendɛ adie ɛ ne; maa mende ɛ ne.


Raalɛ ne

14 Me kulovolɛ, ka ɛ nwo bɛla, maa ɛ nwo ɛyɛ ndɛ kɛ kɛtɛboɛ, anzɛɛ weɛlɛ nyinli mɔɔ wɔ awoka mɔɔ aledonlɛ ninyɛne evuanlɛ fifi zolɛ la azo.

Bible in Nzema © Bible Society of Ghana, 1998.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ