Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Sɔlɔmɔn Edwɛne 7 - BAEBOLO ANZƐƐ BULUKU NWUANZANWUANZA


Nrenya ne

1 Duzu nwanwane bɛlɛra a le wɔ, mɔɔ ɛ gyakɛ nee mgbɔlaboa di zɛhae a? Wɔ ɛzɔlɛ bolomolo ne mɔ le kɛ mgbɔba, bɛ ngɛnlɛma le kɛ dwinvolɛ kpalɛ sa anloa gyima.

2 Ɛ kotoa le kɛ kyɛnze bonkuma kutukpunli mɔɔ nwanye evuanlɛ ɛmkpa nuhua ɛlɛ. Ɛ ko ɛzɛne le hwiiti edukue mɔɔ aloa ɛbɔ ɛyia ye.

3 Wɔ mgbokua nwiɔ ne le kɛ weɛlɛ ngakula nwiɔ, bɛle kɛ ahɛtɛboɛ ndalɛ.

4 Ɛ kɔme le kɛ ɛzɛlɛ tawa. Ɛ nye le kɛ suakpole Hɛhyebɔn nzubula ne mɔ mɔɔ zua suakpole ne anlenkɛ kpole ne la. Ɛ bonyi le hwɛɛnye kɛ Lɛbanɔn tawa mɔɔ ɛ gyi zo a ɛnwu Dɛmasekɛse la.

5 Ɛ ti kɛnlɛma le kɛ Kamɛle Boka. Ɛ ti mɔɔ bɛnwa la ta kɛ selekye; ye kɛnlɛma maa debie tɔ belemgbunli nwo zo.

6 Ɛle kɛnlɛma, ɛ nwo yɛ anyelielɛ, O kulovokpa, anyelielɛ bɛlɛra.

7 Ɛgyi zo sengɔɔnwo kɛ arɛlɛ eluba, wɔ mgbokua le kɛ ye betike ne mɔ.

8 Mebavo arɛlɛ ne na meazɔ ye mrɛlakɛ ne mɔ anu. O, anrɛɛ wɔ mgbokua ayɛ kɛ vanye aziakɛ, na wɔ ɛnwomenle evuanlɛ ɛyɛ kɛ ampolo,

9 na ɛ nloa anwo ayɛ fɛ kɛ nwanye kpalɛ fɛlɛko mɔɔ kpula ɛnloanlɛ nee egyele, na ɔdwu ɛkolɛ nu bɛtɛɛ. Akee maa nwanye ne ɛdwu me kulovolɛ ne ɛkɛ, ɔze ɔ nloa anwo nee ɔ gye zo.


Raalɛ ne

10 Mele me kulovolɛ ne ɛdeɛ, yɛɛ ɔkulo me ɛsesebɛ.

11 Me kulovokpa, bɛla maa yɛhɔ ɛya ne anu lɔ, na yɛhɔli aledwolɛ ne wɔ namunamu ne mɔ anu.

12 Yɛbadwazo ndɛ yɛahɔ vanye egyinli ne mɔ anu yɛahɔnlea saa vanye mbaka ne mɔ ɛyeye nya, saa bɛ ndotolo ne mɔ ɛkpukekpuke, na mbaka mɔɔ le kɛ akutue la ɛbɔ ndotolo a. Na ɛkɛ ne yɛɛ mebava me ahonle kɔsɔɔti meamaa wɔ a.

13 Mandileki ne mɔ evuanlɛ ba, ma fɛlɛko, dɛba nee fofolɛ kɔsɔɔti wɔ yɛ sua nu ɛke. O me kulovokpa, meva ɛhye mɔ kɔsɔɔti mezie wɔ.

Bible in Nzema © Bible Society of Ghana, 1998.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ