Nolo 9 - BAEBOLO ANZƐƐ BULUKU NWUANZANWUANZA

¹ Mendwenlenle ɛhye anwo na meneɛnleanle ɔ muala anu kɛ menea kɛ Nyamenle si nea nrɛlɛbɛvolɛma nee tenlenema nee bɛ nyɛleɛ zo la, saa ɛhulolɛ o, saa ɛkpɔlɛ o, awie biala ɛnze. Debie biala mɔɔ gyi bɛ nye zo la le mgbane,

² ɔboalekɛ bɛ muala bɛ awieleɛ le ko: tenlenema nee amumuyɛma, kpalɛma nee ɛtanevolɛma, bɛdabɛ mɔɔ bɛ nwo te nee bɛdabɛ mɔɔ bɛ nwo ɛnde, yɛɛ bɛdabɛ mɔɔ bɛbɔ azu nee bɛdabɛ mɔɔ bɛmbɔ azu la, bɛ muala bɛbawu. Sonla mɔɔ le kpalɛ la ɛndɛla ɛtanevolɛ; sonla mɔɔ ka ndane la ɛndɛla sonla mɔɔ ɛnga ndane la.

³ Awieleɛ ko ne ala a wɔ ɛkɛ maa bɛ muala a, na ɛhye noko le munzule mɔɔ ka debie biala mɔɔ wɔ aleɛabo la. Sumunli kenle ala mɔɔ sonla de ngoane nu la, ɛtane nee ɛzɛlɛsɛm ɛyi bɛ adwenle tɛkɛɛ. Bɛyɛ ɛhye mɔ na bɛwu.

⁴ Noko akee awie biala mɔɔ de ngoane nu la lɛ anyelazo, ɔluakɛ twea anyewɔzo tɛla awenade funli.

⁵ Ɔluakɛ anyewɔzoamra ze kɛ bɛbawu, na mɔwuamra ɛnze ɛhwee, yɛɛ bɛnlɛ ahatualɛ bieko; awie ɛngakye bɛ bieko.

⁶ Bɛ ɛhulolɛ, bɛ ɛkpɔlɛ, nee bɛ anyebolo muala ɛwie, yɛɛ bɛ afoa nu ɛdeɛ ɛnle debie biala mɔɔ wɔ aleɛabo la anu bieko.

⁷ Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

⁸ Dahuu maa wɔ adɛladeɛ anye ɛyɛ bɔkɔbɔkɔ; yɛɛ mmamaa nwole kpa ɛ ti zo ɛlɛ.

⁹ Mekɛ tendenle biala mɔɔ Nyamenle ɛva ɛmaa wɔ, mɔɔ ɛdi ye wɔ ewiade ɛbɛlabɔlɛ mgbane ye anu la, fa ɛ ye ne mɔɔ ɛkulo ye la dielie ɛ nye, ɔboalekɛ ɛvɛlɛ totohyia ye mɔɔ ɛlɛfɛ aleɛabo la, wɔ afoa nu ɛdeɛ ne ala ɛne.

¹⁰ Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

¹¹ Eza menwunle kɛ aleɛabo, tɛ menli mɔɔ anwo yɛ ndɛ la a dahuu di konim wɔ ɛnriandilɛ nu a, yɛɛ tɛ anwosesebɛma angome a dahuu di konim wɔ konle nu a. Tɛ nrɛlɛbɛvolɛma angome a dahuu asa kɔ bɛ nloa a, tɛ sonla mɔɔ lɛ adwenle la angome a nyia ɔ nwo a, yɛɛ tɛ bɛdabɛ mɔɔ bɛze debie yɛ kpalɛ la angome a nyia gyinlabelɛ kpole a. Tɛ mekɛ ne amuala a bɛdi ye moavolɛ a.

¹² Sonla ɛnze ye mekɛ; kɛmɔ avonle kola yɛ munzule kye fɛlɛ, yɛɛ ɛhane kola kye anloma la, zɔhane ala yɛɛ ɛhane kola kye dasanli wɔ munzule mekɛ mɔɔ ɔ nye ɛnla la a.

Nrɛlɛbɛ nee Koaseayɛlɛ nwo adwenleadwenle

¹³ Eza menwu nrɛlɛbɛ nwo ndonwo ɛhye wɔ aleɛabo, na ɔyɛ me azibɛnwo kpole.

¹⁴ Suakpole ekyi bie wɔ ɛkɛ mɔɔ menli ekyi bie a wɔ zolɛ a. Belemgbunli kpole bie ratetale ye, ɔvale ye ɛlɔnema ɔbɛnrale ɔyiale ye na ɔboɔboale ɔ nwo kɛ ɔbubu nwolɛ bane ne yeagua.

¹⁵ Na nrenya ehyianli nrɛlɛbɛvolɛ bie mɔɔ wɔ suakpole ne azo la vale ye nrɛlɛbɛ ne pepɛle liele suakpole ne. Noko awie biala angakye mɔɔ ehyianli ne yɛle la.

¹⁶ Bɛanwu nrenya ehyianli ne nrɛlɛbɛ ne, yɛɛ bɛandie ye edwɛkɛ, noko mese, nrɛlɛbɛ le kpalɛ tɛla anwosesebɛ.

¹⁷ Nrɛlɛbɛvolɛ edwɛkɛ mɔɔ ɔkɛha ye bɛtɛɛ la le kpalɛ tɛla belemgbunli ɛdeɛdeanlɛ wɔ ahoasea avinli.

¹⁸ Nrɛlɛbɛ le kpalɛ tɛla konle adu, na ɛtanenli kokye sɛkye ninyɛne kpalɛ dɔɔnwo.