Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Hozia Buluku ne 3 - BAEBOLO ANZƐƐ BULUKU NWUANZANWUANZA


Hozia nee raalɛ ne mɔɔ ɛnli nɔhalɛ la

1 Ɛdɛnkɛma zele me kɛ, “Kɔ bieko na kɔhulo awuvolɛ raalɛ mɔɔ ɛlɛto awuvolɛvalɛ mɛla ne na ye kulovolɛ ne le nrenya mɔɔ gya raalɛ la. Kulo ye kɛmɔ kɛkala medame Ɛdɛnkɛma mesi mekulo Yizilayɛma mɔɔ kakyi bɛ nwo kɔ nyamenle gyɛne gyɛne anwo, na bɛkulo vanye mra la.”

2 Yemɔti menzule dwɛtɛ fufule bulu nee nnu nee baale nzuzuleɛ kilo ɛya ko abulanlu mengyale ye.

3 Menganle mengilele ye kɛ, “Ɔwɔ kɛ ɛyɛ me ye, ɛkyɛ me sa nu; mmabɔ tuutuu ɛbɛla bieko anzɛɛ mmakɔfa nrenya fofolɛ; na medame noko mebali nɔhalɛ ko ne ala meamaa wɔ.”

4 Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

5 Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Bible in Nzema © Bible Society of Ghana, 1998.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ