Ɛseta Buluku ne 10 - BAEBOLO ANZƐƐ BULUKU NWUANZANWUANZA

Belemgbunli Zɛzɛse nee Mɔdekae bɛ kpoleyɛlɛ ne

¹ Akee Belemgbunli Zɛzɛse dele adwule manle bɛdabɛ mɔɔ bɛwɔ maanle ne anu ɛnweazo nee ɛbɔ nu la amuala.

² Belemgbunli ne tumi nee ye ninyɛne mgbole mɔɔ ɔyɛle, nee eni mɔɔ ɔlile Mɔdekae ɔmanle ye zo wɔ ye gyima nu la, bɛhɛlɛ bɛ muala wɔ Midea nee Pɛhyea arelemgbunli edwɛkɛ mɔɔ sisile bɛ mekɛ zo la buluku ne anu.

³ Ɛnee saa ɛye Belemgbunli Zɛzɛse a, Dwuunli Mɔdekae a wɔ ɛkɛ a. Mɔdekae nyianle ɔ nyunlu na Dwuuma nee ɔ gɔnwo mɔ amuala hulole ye edwɛkɛ na bɛlile ye eni. Mɔdekae eza kpondɛle Dwuuma kpalɛyɛlɛ na ɔmanle bɛ nzo nu dwole bɛ.