1 Edk 7 - BAEBOLO ANZƐƐ BULUKU NWUANZANWUANZA

Yesakaa abo zo amra

¹ Yesakaa amra mrenya nna: Tola, Pua, Gyahyɛbe, yɛɛ Hyemelɔn.

² Tola amra a le Ɛzae, Relɛfaya, Gyɛleɛle, Gyaameeyae, Yebesam, yɛɛ Hyɛmuwɛle. Bɛmɛ a bɛgyi bɛ ze Tola sua nu amra ati a. Bɛ mekɛ zo ɛnee bɛ nwo yɛ ɛzulolɛ kpole kpalɛ wɔ konle nu. Wɔ Belemgbunli Devidi mekɛ zo ɛnee bɛ dodo le menli apenle ngoko abulanwiɔ nee nwiɔ, menli ɛya nsia.

³ Ɛzae ara a le Yezilahaya, yɛɛ Yezilahaya amra mrenya nna: Maekeɛle, Obadaya, Dwowɛle, yɛɛ Yehyaya. Bɛ muala bɛdi mgbanyinli wɔ bɛ awuke nu.

⁴ Wɔ bɛ awolɛndoazo ne anu, kɛmɔ bɛ ze mɔ mbusua ekpulike ne mɔ de la, bɛlɛ ɛlɔnema ekpunli ekpunli mɔɔ kɔ konle a. Bɛ dodo le apenle ngoko abulasa nee nsia, ɔluakɛ bɛgyale mraalɛ dɔɔnwo, yɛɛ bɛwole mralɛ dɔɔnwo.

⁵ Abusua ekpulike ekpulike mɔɔ wɔ Yesakaa abusua ekpunli ne anu la, bɛ muala bɛle mrenya apenle ngoko abulatwɛ nee nsuu mɔɔ anwo yɛ ɛzulolɛ kpole kpalɛ wɔ konle nu a.

Bɛngyaman nee Dan abo zo amra

⁶ Bɛngyaman amra mrenya nsa: Bila, Bikɛ, yɛɛ Gyɛdeyeeyɛle.

⁷ Bila wole mrenya nnu: Ɛzebɔn, Ɛzae, Ɛzeɛle, Gyɛlemo, yɛɛ Ayelae. Menli nnu ye, bɛle mbusua mgbanyinli wɔ bɛ abusua ɛlɔnwɔne ne mɔ anu, yɛɛ bɛdi munli wɔ konle nu. Bɛ bo zo amra le menli apenle ngoko abulanwiɔ nee nwiɔ menli abulasa nee nna.

⁸ Bikɛ amra mrenya ngɔnla: Zɛmaela, Dwowahye, Ɛleyizɛ, Ɛleyoyinae, Ɔmelae, Gyɛlemo, Abaya, Anato, yɛɛ Alɛmɛte.

⁹ Bɛ bo zo amra, kɛmɔ bɛ ze mɔ abusua ɛlɔnwɔne ne kile la, bɛlua mrenya apenle ngoko abulanwiɔ, ɛya nwiɔ mɔɔ kola kɔ konle nloa a.

¹⁰ Gyɛdeyeeyɛle wole nrenya ko, bɛfɛlɛ ye Belehan. Belehan wole Gyiyɛhye, Bɛngyaman, Yihɛde, Kɛmeeyana, Zitan, Tahyehye, yɛɛ Ahaehyeehaa.

¹¹ Ɛhye mɔ amuala le Gyɛdeyeeyɛle abo zo amra kɛmɔ bɛ ze mɔ abusua ɛlɔnwɔne ne mɔ de la. Bɛlɛ ɛlɔnema apenle ngoko bulu nee nsuu, ɛya nwiɔ mɔɔ kola kɔ konle nloa a.

¹² Hyɛpem nee Hɛpem bɛ ze a le Ɛɛ. Huhyem ɔ ze a le Ehɛ.

Nafetalae abo zo amra

¹³ Nafetalae wole mrenya nna: Gyaazeɛle, Gunae, Gyizɛ, yɛɛ Hyalɛm. (Bɛ nana a le Belehaa)

Manasɛ abo zo amra

¹⁴ Manasɛ amra mrenya nwiɔ: ɔ nee ye mgbɔnla ne mɔɔ vi Alam la a wole bɛ a. Bɛmɛ a le Aseleɛle yɛɛ Meekɛ mɔɔ wole Geleade la.

¹⁵ Meekɛ gyale mraalɛ manle Hɛpem nee Hyɛpem. Ɔ diema raalɛ a le Meeyaka yɛɛ ɔ ra nrenya mɔɔ tɔ zolɛ nwiɔ la a le Zilɔfɛhade. Zilɔfɛhade wole mraalɛ ngome.

¹⁶ Meekɛ aye Meeyaka wole mralɛ mrenya nwiɔ na ɔdonle bɛ Pilɛhye yɛɛ Hyilɛhye. Pilɛhye amra mrenya a le Yulam nee Releekɛm,

¹⁷ yɛɛ Yulam ara nrenya a le Bidan. Bɛ muala bɛle Meekɛ ara Geleade abo zo amra. Meekɛ ɔ ze a le Manasɛ.

¹⁸ Geleade adiema raalɛ Hamolɛkɛte wole mrenya nsa: Ayehyɔdo, Ebayizɛ, yɛɛ Mahelaa.

¹⁹ (Hyɛmaeda amra mrenya a le Ahayan, Hyikɛm, Lekehae, yɛɛ Anayam.)

Yifelaem abo zo amra

²⁰ Yifelaem abo zo amra abusuandoazo ne ɛne: Hyutilaa, yɛɛ Bɛlɛde, Teehate, Ɛliada, Teehate,

²¹ Zeebade, Hyutilaa, Yizɛ, yɛɛ Ɛlɛyade. Yizɛ nee Ɛlɛyade a menli mɔɔ wɔ Gate la hunle bɛ wɔ mekɛ mɔɔ bɛhɔle kɛ bɛkawua Gatema nlankɛ la.

²² Bɛ nlenya Yifelaem zunle bɛ mekɛ dɔɔnwo ne ala, na ɔ mediema mrenya ne mɔ rakyekyele ɔ rɛle.

²³ Na ɔ nee ɔ ye hɔle nla nu bieko la, ɔ ye nrenzɛle na ɔwole ralɛ nrenya. Ɔdonle ye Bɛlaya, ɔluakɛ munzule ɛzi ye abusua ne anu.

²⁴ Yifelaem ara raalɛ Hyiila a kyekyele Aleze nee Sɔlɔ Bɛte Hɔlɔn nee Ɛzɛn Hyiila a.

²⁵ Yifelaem lɛ ɔ ra nrenya ko, bɛfɛlɛ ye Rilifaa. Rilifaa abo zo amra a le Rilihyɛfe, Tilaa, Teehan,

²⁶ Leedan, Amehɛde, Yilaehyama,

²⁷ Nɛn, yɛɛ Dwɔhyua.

²⁸ Maanle mɔɔ bɛvale bɛdɛnlanle nu bɔkɔɔ la a le Bɛtɛle nee azua mɔɔ zuozua ye, Neeyalan aduduleɛ afoa nu, Gizɛ adɔleɛ afoa nu nee azua mɔɔ zuozua bɛ, yɛɛ Hyikɛm nee Aya nee azua mɔɔ zuozua bɛ la.

²⁹ Eza bɛ nee Manasɛma ɛweɛne zo, bɛziele azuamgbole Bɛte Hyan, Teeyanake, Mɛgedo, yɛɛ Dɔɔ nee azua mɔɔ zuozua bɛ la. Ɛnee Gyekɔbo ara Dwosefi abo zo amra ne ɛleka mɔɔ dɛnlanle la, bɛmɛ ɛne.

Ahya abo zo amra

³⁰ Ahya abo zo amra ɛne: Yemena, Yehyeva, Yehyevae, Bɛlaya, yɛɛ bɛ diema raalɛ Sɛla.

³¹ Bɛlaya amra mrenya nwiɔ: Hibɛ yɛɛ Malekeɛle mɔɔ wole Bɛzeeyete la.

³² Hibɛ amra mrenya nsa: Gyafelɛte, Hyomɛ, yɛɛ Hotam. Bɛ diema raalɛ a le Hyua.

³³ Gyafelɛte amra mrenya nsa: Peesake, Bemehale, yɛɛ Ahyevate.

³⁴ Gyafelɛte adiema Hyomɛ amra mrenya nsa: Wuloga, Gyɛhɛba, yɛɛ Ɛlam.

³⁵ Gyafelɛte adiema nrenya Hotam amra mrenya nna: Zofa, Yemena, Hyilɛhye, yɛɛ Emale.

³⁶ Zofa abo zo amra ɛne: Suwa, Haanɛfɛ, Hyuwale, Bilae, Yemela,

³⁷ Bizɛ, Hɔɔdo, Hyama, Hyelehya, Yetelan, yɛɛ Biyɛla.

³⁸ Gyitɛ abo zo amra a le Gyɛfɛni, Pesepa, yɛɛ Ala,

³⁹ yɛɛ Ɛla abo zo amra a le Alaa, Haneɛle, yɛɛ Relezea.

⁴⁰ Menli ɛhye mɔ amuala le Ahya abo zo amra. Bɛle mbusua mgbanyinli wɔ bɛ ze mɔ abusua ekpulike ne mɔ anu. Bɛ nwo yɛ ɛzulolɛ kpole kpalɛ wɔ konle nu; bɛle mgbanyinli mɔɔ di munli a. Ahya abo zo amra mɔɔ kɔ ɛlɔne nloa la le mrenya apenle ngoko abulanwiɔ nee nsia.