Sam 23 - Nobonob Baibel

Yawe Nug ihinig gumikkak daatte

Imuam Dawitnu sam.

¹ Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

² Yawe Nug he, da aben gikkiɗah enanag eleppa hik awen daye, Nug omaiɗa anuqa ukke, da le maninnab daugppa dayeye, le awe lattem.

³ Nug he, da ɠagattag bau awe oittem. Nug, Nug onignu dabmak anuqak awawa, Nug omaiɗe, da ib genab tutukkuppa oittem.

⁴ Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

⁵ Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

⁶ O Yawe, da doottem! Nahip ena hak, amu nahip oo mauhaknab kobol ele am dahilppa dayebeb ukkeb, da mauhkkul. Na tuqana ii aomna, amu da na, Yawe, na lautppa hanhan daakkul.