Nehemaia 7 - Nobonob Baibel

¹ Aria, ig aabnu aɗ heta malota, da hei, ag od oh ele aihadna malaeg, ig danab laa ag od gumaglagnu, danab laa ag Yawenu mettid lag, amuppa ahi ettaglagnu, amu Lewi buɗubppan mana mettak danab iitta, ag ele ahilag uɗat anen anen ele hekkulagnu otiadta malota,

² da, da amal Hanani, amu danab laa Hanania ele, aa Jerusalem gumaglahnu otiatmi. Hanania nug aben aɗ ɠagattagnab ele, nug appanu daup dilag okkai dayom. Nug danab nug dabmak oiyak nuhig ele am tutukkuib. Nug Kayaknu ebehi oh bodoetta le mette. Danab kuɗum ag anam dootteb, amge nug okkainab dootte. Nug anam dayom amunu, da nug otimi.

³ Da otiaten, da aa amelahppa ami. “Aa hepeɗ, danab ag buttuanab Jerusalemnu od aib matuladppig. Iitta. Uuppeg ukkeb, aam ba, gakkaɗak okkai bia dayeb ag matulatteg! Aam aam eeɗebeb, od gumak danab uɗat malaglagnu henana, ag od manadna, manak qaknu keeke ele qakkalatteg! Aa ele uug bemanu neekkak danab laala ag aɗ attan daappeg, laa ag laulkad guguittak ele daanna, uɗat amu hekkulagnu otiatteɗ!” ami.

Diia ukka laih me dayak danab ah ag eɗun, Juda wanppa uɗippignu lista

⁴ Amu ig aɗ uɗat heut ukke, malak dayom amu, aɗ amu ooppa aab okkai dayom, amge danab ah kuɗum appa ii daappig, qainqainib daappig. Ag lag kuɗum ele eɗun, amuppa ii bappaidppig.

⁵ Amu Kayak dabmak meɗe, da hei, anuqak danab, Juda dilag ehanittak anuqak danab, aabppan danab ah ele ag onilkad bukppa ag baelkadppa anen anen onilkad waappa yaaglagnu uɗippig. Amu da tatam mattien, buk laa, diia ukka laih me dayak danab ah tatam eɗun uɗippig onilkad amuppa yaak daatte ele amu, da buk amu anidmi. Antten amu, buk amuppa da yaak laala imu anidmi.

⁶ Amu anukka Babilon dilag king Nebukatnesar nug nuhikkud daup ele ag Juda danab eɗadna, danab ah aɗualadna, diin Babilon ukkaeg, appa ag diia ukka laih me dayak danab ah daappig ele amu, danab ah amu kuɗum ag aakku eɗun Juda wanppa, ahilkad aab anen anenppa, Jerusalem appa ele daaglagnu aakku goppig.

⁷ Danab ah uɗippig ele amu, ahilkad okkai am, Serubabel, Jesua, Nehemaia, Asaria, Ramia, Nahamani, Mordekai, Bilsan, Misperet, Bigwai, Nehum, Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

⁸ Paros buɗub uɗippig, ahilag ebqak am 2,172.

⁹ Sepatia buɗub uɗippig, ahilag ebqak am 372.

¹⁰ Ara buɗub uɗippig, ahilag ebqak am 652.

¹¹ Pahatmoap buɗub uɗippig, ahilag ebqak am 2,818. Ag mamelkad aɗi am Jesua, Joap ele.

¹² Elam buɗub uɗippig, ahilag ebqak am 1,254.

¹³ Satu buɗub uɗippig, ahilag ebqak am 845.

¹⁴ Sakai buɗub uɗippig, ahilag ebqak am 760.

¹⁵ Binui buɗub uɗippig, ahilag ebqak am 648.

¹⁶ Bebai buɗub uɗippig, ahilag ebqak am 628.

¹⁷ Asgat buɗub uɗippig, ahilag ebqak am 2,322.

¹⁸ Adonikam buɗub uɗippig, ahilag ebqak am 667.

¹⁹ Bigwai buɗub uɗippig, ahilag ebqak am 2,067.

²⁰ Adin buɗub uɗippig, ahilag ebqak am 655.

²¹ Ater buɗub uɗippig, ahilag ebqak am 98. Nug mamekkud aɗi laa am Hesekaia.

²² Hasum buɗub uɗippig, ahilag ebqak am 328.

²³ Besai buɗub uɗippig, ahilag ebqak am 324.

²⁴ Harip buɗub uɗippig, ahilag ebqak am 112.

²⁵ Gibeon buɗub uɗippig, ahilag ebqak am 95.

²⁶ Betlehem, Netopa elenu uɗippig, ahilag ebqak am 188.

²⁷ Anatotnu uɗippig, ahilag ebqak am 128.

²⁸ Bet Asmawetnu uɗippig, ahilag ebqak am 42.

²⁹ Kiriat Jearim, Kepira, Berot elenu uɗippig, ahilag ebqak am 743.

³⁰ Rama, Geba elenu uɗippig, ahilag ebqak am 621.

³¹ Mikmasnu uɗippig, ahilag ebqak am 122.

³² Betel, Ai elenu uɗippig, ahilag ebqak am 123.

³³ Nebo laanu uɗippig, ahilag ebqak am 52.

³⁴ Elam laanu uɗippig, ahilag ebqak am 1,254.

³⁵ Harimnu uɗippig, ahilag ebqak am 320.

³⁶ Jerikonu uɗippig, ahilag ebqak am 345.

³⁷ Lot, Hadit, Ono elenu uɗippig, ahilag ebqak am 721.

³⁸ Senanu uɗippig, ahilag ebqak am 3,930.

³⁹ Aria, mana mettak danab uɗippig, ahilag ebqak am inam. Jedaia buɗub laa am Jesua, amu Jedaia buɗub Jesuanu uɗippig, ahilag ebqak am 973.

⁴⁰ Imer buɗub uɗippig, ahilag ebqak am 1,052.

⁴¹ Pasur buɗub uɗippig, ahilag ebqak am 1,247.

⁴² Harim buɗub uɗippig, ahilag ebqak am 1,017.

⁴³ Lewi buɗubppan mana mettak danab iitta uɗippig, ahilag ebqak am inam. Jesua, Katmiel buɗulti uɗippig, ahilag ebqak am 74. Jesua, Katmiel ele alag laa am Hodawia.

⁴⁴ Ahiettak danab uɗippig, ag Asap buɗub amu, ahilag ebqak am 148.

⁴⁵ Lewi buɗubppan mana mettak danab iitta, ag Kayaknu mettid lagnu od gumak danab daan uɗippig, ahilag ebqak am inam. Salum, Ater, Talmon, Akup, Hatita, Sobai buɗulkad uɗippig, ahilag ebqak am 138.

⁴⁶ Danab ag Kayaknu mettid lagnu maɗi nid anukka daappig, gemu ag buɗulkad eɗun uɗippig amu, ag mamelkad aɗi onilkad am inam: Siha, Hasupa, Tabaot,

⁴⁷ Keros, Sia, Padon,

⁴⁸ Lebana, Hagaba, Salmai,

⁴⁹ Hanan, Gidel, Gahar,

⁵⁰ Reaia, Resin, Nekoda,

⁵¹ Gasam, Usa, Pasea,

⁵² Besai, Meunim, Nepusesim,

⁵³ Bakbuk, Hakupa, Harhur,

⁵⁴ Baslut, Mehida, Harsa,

⁵⁵ Barkos, Sisera, Tema,

⁵⁶ Nesia, amu Hatipa ele.

⁵⁷ Danab ag mamelkad aɗi ag Solomonnu maɗi nid daappig, ag buɗulkad Serubabel ele uɗippig, danab amu mamelkad aɗi onilkad am inam: Sotai, Soperet, Perida,

⁵⁸ Jala, Darkon, Gidel,

⁵⁹ Sepatia, Hatil, Pokeret Hasebaim, Amon ele.

⁶⁰ Danab Kayaknu mettid lagnu maɗi nid daappig, Solomonnu maɗi nid buɗulkad ele, amu oh dilag ebqak am 392.

⁶¹ Danab laa ag Babilonnu aab onilag Telmela, Telharsa, Kerub, Adon, am Imer ele, ag appanu uɗippig, amge ag mamelkad ag, ag genab Israel buɗulkadib daappig, ag laa amu tutukku ippunadkkulagnu elele iitta amu, ag mamelkad aɗi onilkad am inam:

⁶² Delaia, Tobia, Nekoda ele. Danab amu buɗulkad uɗippig ele amu, ahilag ebqak am 642.

⁶³ Ag anam daaegeg, aria mana mettak danab laala, ag Hobaia, Hakos, Barsilai ele buɗulkad, ⌊ag genab mana mettak danab daappig danab okkai ippunadkkulagnu am elele iitta⌋. Barsilai amu, nug Gileat ted laa onig Barsilai, nug nug aɗeg awe, laa ag ah amu gamu, ag nid amu onig Barsilai ele ataɗna, anam mattiegeg oiyom.

⁶⁴ Danab amu buɗulkad eɗun uɗippig ele, ag ag memetalkad anukkanu, ag nai ahilagnu buk itoɗiakppa yaak anidkkulagnu madippig, amge ii anidppig amunu, ag danab Kayak ele ouqak daakkunu elele iitta bia daan, ag mana mettak danab daaglagnu am elele iitta daappig.

⁶⁵ Ag anam daappig amunu, Juda dilag gawana nug ag anam hamu daan, ag ee Kayaknu tituanaknab daatte ii lamananu aum. Ag uun, ii lappeg ukkeb ukkeb, mana mettak danab laa nug Urim, Tumim eleppan doyak aokku batak.

⁶⁶ Danab eɗun uɗippig oh dilag ebqak am 42,360.

⁶⁷ Ebqak anam dayom, amge ahilkad maɗi nid, maɗi ah ele, ahilag ebqak am 7,337, am danab ah laa ahi edappig ele dilag ebqak 245 ele, ag ebqak amu ooppa ii daappig.

⁶⁸ Doɗ ag diin uɗippig dilag ebqak am inam: Hos, 736; miul, 245;

⁶⁹ kamel, 435, donki, 6,720.

⁷⁰ Amu ag Kayaknu mettid lag eɗun hekkulagnu, Juda danab ah ag men doɗo keeke meppig. Amu Juda dilag gawana nug 8.5 kilogram gol, tappiɗ 50, mana mettak danab dilag lamen 530 en maknu oo, amuppa meum.

⁷¹ Israelnu baelkadppan danab okkai laala ag gol 170 kilogram, silwa 1,200 kilogram, ag amu ele en maknu oo, amuppa meppig.

⁷² Danab ah laa ag 170 kilogram gol, 1,100 kilogram silwa, mana mettak danab dilag lamen 67 ele en maknu oo, amuppa meppig.

⁷³ Ag amu oh hena malona, Lewi buɗubppan mana mettak danab, Lewi buɗubppan mana mettak danab iitta, danab od gumappig, danab ah ahi edappig, Kayaknu mettid lagnu maɗi nid, amu Israel danab laa ele, ag eɗun gona, aab diig ahilkadppa daappig. Aria, ag gona daaegeg ukke, kalam ebqak eblaih aɗit ele digmekkunu ⌊miag do⌋, haen gamag amu oh ag aab diig ahilkadppa aakku daanna,