ᑎᐱᑦ ᐅᓂᑭᒧᐅᓇ 31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᒋᔾ, ᑎᐸᔨᒋᒐᓱᐤ, ᒋ ᒪᒥᓯᑐᑕᑎᓐ; ᐊᑲᐎᔾ ᓇᐃᒥ ᒐᒋ ᓴᒂᔨᒧᔭᓐ: ᐱᒪᒋᐃ ᒋᑯᐃᔅᑯᑕᑎᓯᐅᓂᒡ᙮ 2 ᓂᑐᑐᐎ; ᒋᐱᔾ ᐱᒪᒋᐃ: ᒋᑭ ᒥᔅᑯᐅᐤ ᐅᒋᔅᑕᐱᔅᑯᒥᑕᑎᓐ ᒐᒋ ᐅᓇᑎᒪᒐᐅᒋᐛᐱᔭᓐ ᒐᒋ ᐱᒪᒋᐃᑯᐅᔭᓐ᙮ 3 ᐛᔅ ᒋᔾ ᓂᒋᔅᑕᐱᔅᑯᒻ ᑭᔭ ᓂᓂᑐᐱᔪᐅᒋᐛᑉ; ᐊᐅᒄ ᐅᒡ ᒋᑦ ᐃᓯᓂᐧᑲᓱᐅᓐ ᐅᒡ᙮ ᐱᒧᑕᐃ, ᑭᔭ ᒋᔅᒋᓄᑕᐃ᙮ 4 ᐅᒋᐱᓯ ᐊᐃᐱᒡ ᐅᒋ ᒋᒧᑦ ᑲᒋ ᐸᒋ ᐱᔅᑎᓂᒧᐎᒡ: ᐛᔅ ᒋᔾ ᐊᐅᒄ ᓂᒥᔅᑯᐅᓯᐅᓐ᙮ 5 ᒋᑎᒋᒡ ᓂ ᐱᔅᑎᓇᐤ ᓂᑦ ᐊᒐᐧᒄ: ᔅᒋ ᑎᐸᐊᒪᒐᔅᑎᒧᐅᓐ, ᐅ ᑎᐸᔨᒋᒐᓱᐤ ᑕᑈᐅ ᒋᓴᒪᓂᑐᐤ᙮ 6 ᓂᒋ ᐛᐧᑲᑕᐅᒡ ᐊᓐᒡ ᑲ ᐃᔭᐱᑕᔨᑕᒡ ᓂᑐᐎᔾ ᒐᒂᓇ: ᒪᒃ ᓂ ᒪᒥᓯᑐᑐᐛᐤ ᑎᐸᔨᒋᒐᓱᐤ᙮ 7 ᓂᑭ ᓯᒋᔭᓯᓐ ᑭᔭ ᓂᑭ ᒥᔽᑕᓐ ᒋᓱᐛᔨᒋᒐᐅᓂᒡ: ᐛᔅ ᔅᒋ ᒪᒥᑐᓇᔨᑕᓐ ᓂᑦ ᐊᔨᒥᓱᐅᓐ; ᔅᒋ ᒋᔅᒐᔨᒪᐤ ᓂᑦ ᐊᒐᐧᒄ ᐊᔨᒥᓯᐅᓂᒡ; 8 ᓇᒪᐎᔾ ᒪᒃ ᒋ ᐅᒋ ᒋᐸᐅᓐ ᐅᑎᒋᒡ ᑲ ᐛᐧᑲᓯᑦ: ᐊ ᒥᓴᒡ ᐊᐱᔅᒋᒐᔭᒡ ᔅᒋ ᐃᑎᔅᑕᓐ ᓂᓯᑕ᙮ 9 ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂᑦ ᐊᔨᒥᓯᓐ: ᓂᔅᒋᓯᒄ ᓂᓱᐅᓇᑎᓐ ᐊ ᑯᐸᑕᔨᑎᒪᓐ, ᓂᐦᐃ, ᓂᑦ ᐊᒐᐧᒄ ᑭᔭ ᓂᔪᐤ᙮ 10 ᐛᔅ ᓂᐱᒪᑎᓯᐅᓐ ᒋ ᐅᑎᒋᐱᔪᐤ ᑯᐸᑕᔨᑎᒧᐅᓂᒡ, ᑭᔭ ᓂ ᐱᐳᓂᒪ ᒥᓯᒥᑕᑎᒧᐅᓂᒡ: ᓂ ᒥᔅᑯᐅᓯᐅᓐ ᓄᑕᐱᔪᐤ ᓂᒥᒐᑎᓯᐅᓐ ᐅᒡ, ᓂᔅᑭᓇ ᑭᔭ ᓂᓱᐅᓇᑎᓇ᙮ 11 ᓂᒋ ᒪᒐᔨᒥᑯᒡ ᒥᓯᐛ ᑲ ᐛᐧᑲᓯᒡ, ᐊᔪᐛᒡ ᒪᒃ ᓂᒡ ᐃᔪᒡ, ᓂᒋ ᑯᔅᑎᑯᒡ ᑭᔭ ᓂᐎᒐᐛᑭᓐᒡ: ᐊᓐᒡ ᒪᒃ ᐎᐎᑎᒥᒡ ᑲ ᐛᐱᒥᒡ ᓂᒋ ᒋᑎᓯᒥᑯᒡ᙮ 12 ᓂ ᐅᓂᒋᔅᒋᑕᑯᐅᓐ, ᒧᔭᒻ ᑲ ᓂᐱᑦ ᐃᔪᐤ: ᒧᔭᒻ ᑲ ᐱᑯᐱᔨᒡ ᐊᓱᑕᓱᐛᑭᓐ ᓂᑦ ᐃᓯᓇᑯᓯᓐ᙮ 13 ᐛᔅ ᓂᒋ ᐸᑕᓐ ᒥᒐᑦ ᐊ ᒥᒋ ᐃᓯᒡ: ᑯᔅᑕᒋᐅᓐ ᒋ ᑎᑯᓐ ᒥᓯᐛ ᐊᔨᑐᐤ: ᒪᒂᒡ ᐊ ᒪᒧᐎ ᑭᒐᔅᒋᒥᑐᒡ, ᒋ ᐃᑕᔨᑎᒧᒡ ᒐᒋ ᐅᑎᓇᒡ ᓂᐱᒪᑎᓯᐅᓂᔪᐤ᙮ 14 ᒪᒃ ᒋᔾ ᔅᒋ ᒪᒥᓯᑐᑕᑎᓐ, ᐅ ᑎᐸᔨᒋᒐᓱᐤ; ᓂᒋ ᐃᔨᓐ, “ᒋᔾ ᓂᒋᓴᒪᓂᑐᒻ᙮” 15 ᓂᒋᓯᑲᒪ ᑎᑯᓇ ᒋᑎᒋᒡ: ᐱᒪᒋᐃ ᐅᑎᒋᐛᒡ ᐅᒋ ᑲ ᐛᐧᑲᓯᒡ, ᐊᓐᒡ ᑭᔭ ᑲ ᓂᓇᐧᑲᒋᐃᒡ᙮ 16 ᐛᓯᓱᔅᑐᐤ ᒋᑦ ᐊᑐᔅᒐᔭᑭᓐ: ᐱᒪᒋᐃ ᒋᒋᔅᑎᒪᒐᔨᒋᒐᐅᓐ ᐅᒡ᙮ 17 ᐊᑯᔅ ᐊᑲᐎᔾ ᓂᑭ ᓯᓴᒂᔨᒧᓐ, ᐅ ᑎᐸᔨᒋᒐᓱᐤ; ᐛᔅ ᔅᒋ ᓇᓇᑐᒥᑎᓐ: ᐊᑯᔅ ᒋᑭ ᓯᓴᒂᔨᒧᐅᒡ ᐅᒥᒋᑥᐅᒡ, ᐊᑯᔅ ᑭᔭ ᒋᑭ ᒋᐱᑐᐛᐅᒡ ᒋᐱᐃᒋᐛᐱᒡ᙮ 18 ᐊᑯᔅ ᑭᑭᒋᔭᐎ ᒥᑐᓇ ᒋᑭ ᒋᐱᑐᐛᒥᑭᓇ; ᑲ ᒥᒪᔭᔨᒥᑯᒡ ᑭᔭ ᑲ ᒪᒥᒋᐃᔨᑎᑯᒡ ᐅᑯᐃᔅᑯᑕᑎᓯᐅᒡ᙮ 19 ᐅ, ᑕᑈ ᒥᓴᐤ ᒋᒥᔪᑐᑕᒐᐅᓐ, ᑲᒋ ᐊᔅᑐᐛᑭᓄᒡ ᐊᓐᒡ ᑲ ᓇᓂᒋᔅᑕᔅᒡ; ᑲᒋ ᐃᑐᑎᒧᐅᑥᐤ ᐊᓐᒡ ᑲ ᒪᒥᓯᑐᑕᔅᒡ, ᐅᑎᔅᑯᐤ ᐃᔪᐤ ᐅᑯᓯᓴᓐᒡ ! 20 ᒋᑭ ᑲᔭᐅᒡ ᐊᑯ ᐊᐸᑕᔅᑎᒥᐱᔨᓐ ᐅᒋᔅᑕᔨᒧᐅᓐ ᐃᔪᐤ ᐅᒡ: ᒋᒧᑦ ᒋᑭ ᑭᓄᐛᔨᒪᐅᒡ ᒋᒋᓴᒥᒋᐛᐱᒥᒡ ᒐ ᐊᑲ ᒋ ᒪᔭᐃᒥᑯᒡ ᒥᑕᔨᔭ᙮ 21 ᒪᒥᒋᑕᑯᓱᐤ ᑎᐸᔨᒋᒐᓱᐤ: ᐛᔅ ᓂᒋ ᐛᐸᑎᔨᒄ ᐅᒪᒥᔅᑲᒡ-ᒋᓴᐛᑎᓯᐅᓐ ᐊ ᒥᔅᑯᐛᒡ ᐃᑕᐅᓂᒡ᙮ 22 ᐛᔅ ᓯᔅᒋᑯᒡ ᓂᒋ ᐃᔅᒋᔄᓐ, “ᓂᒋ ᒥᓂᓱᑯᐅᓐ ᒐ ᐊᑲ ᒋ ᐛᐱᒥᔨᓐ᙮” ᐃᔭᐱᒡ ᒪᒃ ᔅᒋ ᐸᑕᓐ ᓂᒪᐅᓐ ᐃᔅᐱ ᑲ ᒪᑕᑕᓐ᙮ 23 ᐅ ᓴᒋᐃᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᐸᔭᒋᓯᒪ: ᐛᔅ ᑎᐸᔨᒋᒐᓱᐤ ᑭᓄᐛᔨᒪᐤ ᑲ ᑯᐃᔅᑯᑎᔨᒋ, ᒥᔅᑎᐃ ᑭᔭ ᑎᐸᐊᒪᐛᐤ ᑲ ᒋᔅᑕᔨᒧᐎ ᐊ ᐃᑎᔨᒋ᙮ 24 ᓱᒋᑕᐊᒄ, ᒋᑭ ᒥᔅᑯᐅᑕᐤ ᒪᒃ ᒋᑕᐃᐛᐛ, ᒥᓯᐛ ᒋᔨᐛᐤ ᑲ ᐊᔅᐸᔨᒧᑐᑕᐛᒄ ᑎᐸᔨᒋᒐᓱᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.