Yela 93 - mzwDBL

Korowii ɛ Kooro

¹ Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

² Saŋ la bwaa he kora le. Mɔɔ wobɛlbwa pa mun la, dɛ he lole.

³ N Naa Korowii, mpo vile dɛ si, a taɡɛ nehɛma aa kana dɛɛ ba, dɛɛ si kohona.

⁴ Kɛ hen Korowii te, he dɛ di kora nyundua, dɛ do kan ɡwaa mpo sii waa dɛ si. He kpeɡri ɡwaa mpo nehɛma kwara.

⁵ He mmarare cheɡɔ kiŋkiŋ saŋ bɛlbwa dɛɛ la. He Dea do ɡoroŋ kohona, saŋ bɛlbwa dɛɛ la.