Yela 129 - mzwDBL

Korowii soŋa ó pɔ Israel tena dɔma nɛɛ tɛɛ ba

¹ N bonɔɔne saŋ bwaa ba le fiɡ mɛ kohona. Israel tena, hé chaŋe ŋɔ,

² “Le ya bonɔɔne saŋ bwaa ya dɔma yo yaa taeh, kɛ ba ta wone pɔ ya nɛ.

³ Ba chɛwɛ ya nyaŋre yaa na wahala, kɛŋɔ paa yon kpɔ par chɛwɛ harɛ la ken.

⁴ Kɛ Korowii o wa aa toɡra la lɛ yaa le nyubinikpeɡ tena nɔn ta.”

⁵ Kórowii ɡel sihiih kpo nɛra baa hah bwɛjen Saayɔn la, bá berɛ habɔɔ kaa.

⁶ Kórowii ɡel bá do kɛŋɔ kpɔɡa aa le saldoa, aa wola won kpeɡ dɛ a holɔ la ken.

⁷ Aa kpeɡ ba won dɛɛ boa a nyoa kɛɛ a won su nɔn.

⁸ Nomɛlbwa aa teŋe ba kaa dɛ́ ŋɔ, “Kórowii sweere andɛɛɡa!” dɛ berɛ ŋɔ, “Ya cheɡɛ Korowii sɔn ta soŋe andɛɛɡa dɛɛ tɛɛ bwa.”