Yela 121 - mzwDBL

Korowii waa kpɔ nɔn dɛɛ tɔ ya nɛ

¹ N ha sie nyiŋi bwejena dor. Umee n dɔ ó ba cha mɛ nɔ?

² N Naa Korowii bee n chae ɛɛ ba lee. Onee ta nyundua ne harɛ.

³ Waa ɡel he lɔ naa dɛ́ chole. Korowii waa kpɔ nɔn tɔ he nɛɛ la aa dom chɔ.

⁴ Korowii waa kpɔ nɔn dɛɛ tɔ Israel tena nɛɛ la siwi lole saŋ bɛlbwa, waa dom chɔ.

⁵ Wɛɛ kpɔ nɔnee tɔ he nɛ, o lɔ he jwɛɛh dɛ́ lawɛ heyaa kpoŋe, dɛɛ nyiŋi he nɛ.

⁶ Wɛɛ nyiŋi he nɛɛ webaŋa ne jwaanaa, wobɛlbwa aa heyaa ha.

⁷ Korowii ɛɛ lɛ heyaa le siswɛm bɛlbwa taa, dɛ́ kpɔ nɔn tɔ he nɛɛ kɛrɛdɛ ken.

⁸ Wɛɛ kpɔ nɔnee tɔ he nɛɛ he buse bala ne he buse lee bini, le fini ne saŋ bɛlbwa dɛɛ la.