Nɛra Kura 29 - mzwDBL

Bɛle Hoeh Tɔpejen dii

¹ Mosis berɔ ŋɔ ba be ŋɔ, “Korobinuanɛ tɔpeloɡle ta, hé cheme dɛ́ tomɛ Korowii dɛ bɛ toma bɛlbwa ɛ. Hé hoh bɛle awola.

² Ásɛ he ɛ saraha dɛ́ fuah, ásɛ a sɔɔh ɛɛ do Korowii som. Hé kpɔ nabale beŋkpoŋ ne pebal dɛ pebali anuanɛ aa dɔ benanyoa, a bɛlbwa aa wola kirihiah bɛlbwa dii.

³ Hé ɛ mea saraha men baa nama a kper kɛrɛdɛ ne. Nabale la, hé kpɔ men kuruware atoro dɛ́ kpɔ ɔleve noo koo a ta. Pebal la ɡe, hé kpɔ men kuruware anɛ ja.

⁴ Ásɛ pebali anuanɛ la ɡe, hé kpɔ men kuruwa beŋkpoŋ ja a bɛlbwa ta,

⁵ dɛ́ kpɔ bombal ja ɛ wechɔɡa kpɔe dɛ kɛ saraha soŋe he wechɔɡa Korowii be.

⁶ A ɡɛ sarahare nɔ ja korobie bɛlbwa ne saŋ bɛlbwa sarahare, ne a mea sarahare ne sen sarahare ɡɛ waa baɡla la ta. Á ɛ sarahare haa fuah baa tɛ Korowii a sɔɔh ɛɛ do som o be.

Wechɔɡa Soŋa Korowii Be Ó Kpɔ Kɛ Tɔpejen

⁷ Korobinuanɛ tɔperafi ta, hé vɔwɛ nyoa, dɛ́ cheme, dɛ́ tomɛ Korowii dɛ bɛ toma bɛlbwa ɛ.

⁸ Hé kpɔ saraha kwaa haa fuah a sɔɔh ɛɛ do Korowii som la ba tɛo. Nabale beŋkpoŋ ne pebal ne pebali anuanɛ aa dɔ benanyoa, aa wola kirihiah bɛlbwa dii.

⁹ Hé ɛ mea saraha men baa nama a kper kɛrɛdɛ ne. Nabale la, hé kpɔ men kuruware atoro, dɛ́ kpɔ ɔleve noo koo a ta. Pebal la ɡe, men kuruware anɛ.

¹⁰ Pebali la ɡe, hé kpɔ men la kuruwa beŋkpoŋ ja bɛlbwa ta.

¹¹ Hé kpɔ bombal beŋkpoŋ ja ɛ wechɔɡa kpɔe dɛ kɛ saraha, dɛ́ ja sen la ne saraha kwaa haa dɛ fuah saŋ bɛlbwa la ta.

Kukure Tɔpejen dii

¹² Korobinuanɛ tɔpera fi dɛ anue ta, hé cheme dɛ́ tomɛ Korowii dɛ bɛ toma bɛlbwa ɛ. Hé di Kukure Tɔpejen tɔpera anuanɛ dɛ́ lɛ he sie dɛ́ tɛ Korowii.

¹³ Hé kpɔ kwaa ɛ saraha a sɔɔh aa soma ba tɛ Korowii. Hé kpɔ nabali fi dɛ atoro ne pebala anɛ ne pebali fi dɛ atoro, a bɛlbwa aa dɔ benanyoa aa wola kirihiah bɛlbwa dii ba fuh ɛ saraha.

¹⁴ Hé ɛ mea saraha men baa nama a kper kɛrɛdɛ ne. Nabali fi dɛ atoro la bɛlbwa, hé kpɔ men baa nama a kper kɛrɛdɛ kuruware atoro, dɛ́ kpɔ ɔleve noo koo a ta. Pebal la bɛlbwa ɡe, men kuruware anɛ.

¹⁵ Pebali fi dɛ anaarɛ la bɛlbwa, hé kpɔ men kuruwa beŋkpoŋ ja a ta.

¹⁶ Hé kpɔ bombal ja ɛ wechɔɡa kpɔe dɛ kɛ saraha, dɛ́ ja mea sarahare ne sen sarahare haa dɛ fuah saŋ bɛlbwa la ta.

¹⁷ Korobinuanɛ la tɔpenɛɛte ta, hé berɛ kpɔ nabali fi dɛ anɛ ne pebala anɛ dɛ pebali fi dɛ anaarɛ aa dɔ benanyoa, aa wola kirihiah bɛlbwa dii.

¹⁸ Hé ɛ nae la bɛlbwa ne pebala la bɛlbwa ne pebali la bɛlbwa mea saraha ne a sene saraha, ɡɛ maa baɡla la,

¹⁹ dɛ́ kpɔ bombal ɛ wechɔɡa kpɔe dɛ kɛ saraha ja mea saraha ne sen sarahare haa dɛ fuah saŋ bɛlbwa la ta.

²⁰ O tɔpetooro wee, hé kpɔ nabali fi dɛ beŋkpoŋ ne pebala anɛ, dɛ pebali fi dɛ anaarɛ aa dɔ benanyoa, a bɛlbwa aa wola kirihiah dii ɛ saraha.

²¹ Nae la ne pebala ne pebali la, hé kpɔ ɛ mea sarahare ne sen sarahare ɡɛ maa baɡla la.

²² Dɛ́ kpɔ bombal ɛ wechɔɡa kpɔe dɛ kɛ saraha ja mea saraha ne sen saraha haa dɛ fuah saŋ bɛlbwa la ta.

²³ Tɔpenaarɛ wee, hé kpɔ nabali fi ne pebala anɛ ne pebali fi dɛ anaarɛ aa dɔ benanyoa a bɛlbwa aa wola kirihiah dii ba ɛ saraha.

²⁴ Nae la ne pebala ne pebali la, hé kpɔ ɛ mea sarahare ne a sen sarahare ɡɛ maa baɡla la.

²⁵ Dɛ́ kpɔ bombal ɛ wechɔɡa kpɔe dɛ kɛ saraha ja mea saraha ne sen saraha haa dɛ fuah saŋ bɛlbwa la ta.

²⁶ Tɔpenue wee, hé kpɔ nabali anuanaarɛ ne pebala anɛ, dɛ pebali fi dɛ anaarɛ aa dɔ benanyoa a bɛlbwa aa wola kirihiah bɛlbwa dii ba ɛ saraha.

²⁷ Nae la ne pebala dɛ pebali la, hé kpɔ ɛ mea sarahare ne a sen sarahare ɡɛ waa baɡla la.

²⁸ Hé kpɔ bombal ja ɛ wechɔɡa kpɔe dɛ kɛ saraha ja mea saraha ne sen saraha haa dɛ fuah saŋ bɛlbwa la ta.

²⁹ Tɔpenumɛl wee, hé kpɔ nabali anuatoro ne pebala anɛ dɛ pebali fi dɛ anaarɛ aa dɔ benanyoa bɛlbwa aa wola kirihiah dii ba ɛ saraha.

³⁰ Nabali la ne pebala dɛ pebali la, hé kpɔ ɛ mea sarahare ne a sen sarahare ɡɛ waa baɡla la.

³¹ Dɛ́ kpɔ bombal ja ɛ wechɔɡa kpɔe dɛ kɛ saraha ja mea saraha ne sen saraha haa dɛ fuah saŋ bɛlbwa la ta.

³² Tɔpenuanɛ wee, hé kpɔ nabali anuanɛ ne pebala anɛ dɛ pebali fi dɛ anaarɛ aa dɔ benanyoa a bɛlbwa aa wola kirihiah dii ba ɛ saraha.

³³ Nae la ne pebala dɛ pebali la, hé kpɔ ɛ mea sarahare ne a sen sarahare ɡɛ maa baɡla la.

³⁴ Dɛ́ kpɔ bombal ja ɛ wechɔɡa kpɔe dɛ kɛ saraha ja mea saraha ne sen saraha haa dɛ fuah saŋ bɛlbwa la ta.

³⁵ Tɔpenuatoro la, hé cheme dɛ́ tomɛ Korowii dɛ bɛ toma bɛlbwa ɛ.

³⁶ Hé kpɔ nabale ne pebal dɛ pebali anuanɛ aa dɔ benanyoa aa wola kirihiah bɛlbwa dii ɛ saraha dɛ fuah tɛ Korowii, a sɔɔh do o som.

³⁷ Nao la ne pebal dɛ pebali la, hé kpɔ ɛ mea sarahare ne a sen sarahare ɡɛ waa baɡla la.

³⁸ Dɛ́ kpɔ bombal ja ɛ wechɔɡa kpɔe dɛ kɛ saraha ja mea saraha ne sen saraha haa dɛ fuah saŋ bɛlbwa la ta.

³⁹ Ŋwɛnɛ haa kpɔ a ta dɛ ɛ saraha kwaa haa dɛ fuah, ne mea sarahare ne sen sarahare, dɛ deŋnesɔɔhna sarahare tɛ Korowii he tɔpejena haa lea cheɡ, dɛ́ɛ dia ta laanee la. He nyobaɡa kwaa haa ba a ne ne kwaa aa le he bambili ta bwa jao.”

⁴⁰ Mosis bol Israel tena la be waa Korowii aa doo a ta bwa.