Numeri 26 - Mawu a Mulluku

Echiwerengero yaneepiilli

¹ Omanlle mullillooyo Apwiya yaamulleella Mose ni Eleazara, mwaana a Aroni wi,

² “Oweerenge Aisraele attheene, allopwana ovenyera miyakha 20 oya muhoollo moollikana ni mabanjiiwa navettho makhollwiiwa, Aisraele attheene oowora owana ekhoto.”

³ Vano Mose ni Eleazara yaallota ni oohoollella mu matapo a o Mowabu, vakhuviru ni muhinje wa Yordani, o Yeriko wi,

⁴ “Muweerenge athu ovenyera miyakha 20 oya muhoollo,” moollikana ni mmo Apwiya yamulamulelliiwa Mose. Aisraele ayo yakhumalle mu Iguputo tti,

⁵ Rubeni mwaana awaamba a Israele nave anaaye aallopwana yaari Rubeni Hanoki nikhollo na Ahanoki, Palu nikhollo na Apalu,

⁶ Hezironi nikhollo na Ahezironi ni Karimi nikhollo na Akarimi.

⁷ Vano eweerengille allopwana attheene a nlloko na Rubeni yaaphwanya wi yaari 43,730.

⁸ Mwaana aamullopwana a Palu aari Eliyabu

⁹ nave anamwani aallopwana a Eliyabu yaari Nemuwele, Datani ni Abiramu. Alla tti alle yatthoolliwe mu mulloko, allettho yaawukilalle Mose ni Aroni moowiiwanana ni Kora yavaanyihaniiwa ni Apwiya.

¹⁰ Nave ethaya yaatthalleya ni waamirya attheenaayo ni Kora, sika nlloko niwa naakhwa munllo waashellellihalliiwa athu 250, etthattuwa yowaachenjeza.

¹¹ Koma khe attheene a munibanjani na Kora yakhwille.

¹² Anamwani aallopwana a Simeoni moollikana ni mabanjiiwa yaari Nemuwele nikhollo na Anemuwele Yamini nikhollo na Ayamini, Yakini nikhollo na Ayakini,

¹³ Zera nikhollo na Azera ni Shaulo nikhollo na Ashaulo.

¹⁴ Vano eweerengille allopwana attheene a nlloko na Simeoni yaaphwanya wi yaari 22,200.

¹⁵ Anamwani aallopwana a Gadi moollikana ni mabanjiiwa yaari Zefoni nikhollo na Azefoni, Hagi nikhollo na Ahagi, Shuni nikhollo na Ashuni,

¹⁶ Ozini nikhollo na Aozini, Eri nikhollo na Aeri,

¹⁷ Arodi nikhollo na Aarodi ni Areli nikhollo na Aareli.

¹⁸ Vano eweerengille allopwana attheene a nlloko na Gadi yaaphwanya wi yaari 40,500.

¹⁹ Anamwani aallopwana a Yuda yaari Ere ni Onani nave yakhwenlle mu Kanani.

²⁰ Anamwani aallopwana a Yuda amodda moollikana ni mabanjiiwa yaari Shela nikhollo na Ashela, Perezi nikhollo na Aperezi ni Zera nikhollo na Azera.

²¹ Anamwani aallopwana a Perezi yaari Hezironi nikhollo na Ahezironi ni Hamuli nikhollo na Ahamuli.

²² Vano eweerengille allopwana attheene a nlloko na Yuda yaaphwanya wi yaari 76,500.

²³ Anamwani a Isakara moollikana ni mabanjiiwa yaari Tola nikhollo na Atola, Puva nikhollo na Apuva,

²⁴ Yashubu nikhollo na Ayashubu ni Shimironi nikhollo na Ashimironi.

²⁵ Vano eweerengille allopwana attheene a nlloko na Isakara yaaphwanya wi yaari 64,300.

²⁶ Anamwani aallopwana a Zebuloni moollikana ni mabanjiiwa yaari Seredi nikhollo na Aseredi, Eloni nikhollo na Aeloni ni Yaleele nikhollo na Ayaleele.

²⁷ Vano eweerengille allopwana attheene a nlloko na Zebuloni yaaphwanya wi yaari 60,500.

²⁸ Anamwani aallopwana a Yosefe moollikana ni mabanjiiwa yaari Manase ni Efuremu.

²⁹ Mwaana aamullopwana a Manase aari Makiri nikhollo na Amakiri oyo aari attiitthinnya a Giliyadi nikhollo na Agiliyadi.

³⁰ Anamwani aallopwana a Giliyadi yaari Iyezere nikhollo na Aiyezere, Heleki nikhollo na Aheleki,

³¹ Asiriele nikhollo na Asiriele, Shekemu nikhollo na Ashekemu,

³² Shemida nikhollo na Ashemida ni Hefere nikhollo na Ahefere.

³³ Koma Zelofehadi mwaana a Hefere khaarina anamwani aallopwana koma aatthiyanave. Anamwani aatthiyana a Zelofehadi yaari, Mala, Nowa, Hogola, Milika ni Tiriza.

³⁴ Vano eweerengille allopwana attheene a nlloko na Manase yaaphwanya wi yaari 52,700.

³⁵ Anamwani aallopwana moollikana ni mabanjiiwa yaari Shutela nikhollo na Ashutela, Bekere nikhollo na Abekeri ni Tahani nikhollo na Atahani.

³⁶ Nave mwaana aamullopwana a Shutela aari Erani nikhollo na Aerani.

³⁷ Vano eweerengille allopwana attheene a nlloko na Efuremu yaaphwanya wi yaari 32,500. Nndda sika ddaari edduullu dda Yosefe moollikana ni mabanjiiwa.

³⁸ Anamwani aallopwana a Benjamini moollikana ni mabanjiiwa yaari Bela nikhollo na Abela, Ashibele nikhollo na Aashibele, Ahiramu nikhollo na Ahiramu,

³⁹ Shefufamu nikhollo na Ashefufamu ni Hafamu nikhollo na Ahafamu.

⁴⁰ Nave anamwani aallopwana a Bela yaari Aradi nikhollo na Aaradi ni Naamani nikhollo na Anaamani.

⁴¹ Vano eweerengille allopwana attheene a nlloko na Benjamini yaaphwanya wi yaari 45,600.

⁴² Mwaana aamullopwana a Dani aari Shuhamu nikhollo na Ashuhamu. Nenna sika nibanja na nlloko na Dani.

⁴³ Vano eweerengille allopwana a mabanja a Shuhamu yaaphwanya wi yaari 64,400.

⁴⁴ Anamwani aallopwana a Ashere moollikana ni mabanjiiwa yaari Imina nikhollo na Aimina, Ishivi nikhollo na Aishivi ni Beriya nikhollo na Aberiya.

⁴⁵ Anamwani aallopwana a Beriya yaari Hebere nikhollo na Ahebere ni Malikiele nikhollo na Amalikiele.

⁴⁶ Mwaana aamutthiyana a Ashere aari Sera.

⁴⁷ Vano eweerengille allopwana attheene a nlloko na Ashere yaaphwanya wi yaari 53,400.

⁴⁸ Anamwani aallopwana a Nafutali moollikana ni mabanjiiwa yaari Yazeele nikhollo na Ayezeele, Guni nikhollo na Aguni,

⁴⁹ Yezere nikhollo na Ayezere ni Shilemu nikhollo na Ashilemu.

⁵⁰ Vano eweerengille allopwana attheene a nlloko na Nafutali yaaphwanya wi yaari 45,400.

⁵¹ Vano eweerengille allopwana attheene a Aisraele yaaphwanya wi yaari 601, 730.

⁵² Apwiya yaamulleella Mose wi,

⁵³ Waakawelle athu yaalla ellapo wi ekhalle wonanko yoohallaniiwa moollikana ni echiwerengerwiiwa.

⁵⁴ Nlloko nuullupalli onivahe yoohallana yuullupalli, nlloko ning'onong'ono onivahe yoohallana eng'onong'ono. Nirive nlloko onivahe yoohallana moollikana ni echiwerengerwiiwa.

⁵⁵ Koma ellapweeyo oyikawe mwawoombesa. Yaakhelle mapurwaayo moollikana ni echiwerengerwiiwa.

⁵⁶ Yoohallaneeyo oyikawe variyari va malloko muullupalli ni malloko mang'onong'ono mwawoombesa.

⁵⁷ Anamwani aallopwana a Levi moollikana ni mabanjiiwa yaari Gereshoni nikhollo na Agereshoni, Kohati nikhollo na Akohati ni Merari nikhollo na Amerari.

⁵⁸ Mabanja a Alevi yaari Alibini, Ahebroni, Amali, Amushi ni Akora. Kohati aari attiitthinnya a Amuramu.

⁵⁹ Mwaara a Amuramu aari Yokebedi mwaana a Levi oyo ayarelliwe o Iguputo. Yokebedooyo aamuyarella Amuramu anamwani eelli, Aroni ni Mose owaaka Miriyamu, murokoriwa.

⁶⁰ Aroni aamuyara Nadabu, Abihu, Eleazara ni Itamara.

⁶¹ Nave Nadabu ni Abihu yaakhwa ekaamba yawi yaavelleella munllo woohaakhullelliwa vamiitthoni va Apwiya.

⁶² Echiwerengero ya Alevi ovenyera mweeri mmodda oya muhoollo yaari 23,000. Alliwaayo kheyaaweerengelliwe nimodda ni Aisraele amodda kaambiiwa kheyaavahiwe nipuro wi nikhalle yoohallaniiwa variyari va Aisraele.

⁶³ Yaalla tti athu ayo yeerengiwe ni Mose ni Eleazara. Yaaweerenga Aisraelaayo mu matapo a o Mowabu, vakhuviru ni muhinje wa Yordani, o Yeriko.

⁶⁴ Koma variyari va athu yaalla khaarivo oyo eerengiwe khalle ni Mose ni Aroni yaweerengiiwa Aisraelaayo o echipululu ya Sinai.

⁶⁵ Valle dda alliwaayo Apwiya yaallota wi, “Eneerokhwella muchipululuni.” Khaavo oyo ahallille variyari va alliwaayo omupatula Kalebe mwaana a Yefune ni Yoswa mwaana a Nuni.