Masalimo 125 - Mawu a Mulluku

Apwiya enaateteza athwaaye

Nchipo nawiipiwa voowellani o Yerusalemu.

¹ Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

² Monga miyaango ddimwaapheellelliiwa Yerusalemu, tti mwemmottho Apwiya enawaapheellelliiwa athwiiwa waambeella ollello wa enthawi yoohimalla.

³ Mamwene oonanara khelamulella enthawi ettheene, ellapo eyo ekawelliwe athu oolungama wi oolungamaayo ehichimwe.

⁴ Nyu Apwiya, weerelleni ddaphaama athu aphaama, oolungama.

⁵ Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.