1 Epilli 3 - Mawu a Mulluku

Edduullu dda Davide

¹ Alla sika anamwani a Davide ayo yayarelliwe o Hebroni. Aminoni sika aari awaamba, amennya yaari Ahinowamu a o Yezireele. Daniele aari mwanaye aneepiilli, amennya yaari Abigaile a o Karimele.

² Mwanaye aneeraru aari Abishalomu, amennya yaari Maaka, mwaana a Talimai, mwene a o Geshuri. Mwanaye aneesese aari Adoniya, amennya yaari Hagiti.

³ Mwanaye aneetthanu aari Shefatiya, amennya yaari Abitala. Mwanaye aneetthanu ni mmodda aari Itireamu, amennya yaari Egila.

⁴ Anamwani atthanu ni mmodda attheenaalla yayarelliwe o Hebroni, nko aariiye mwene wa miyakha mitthanu ni miilli ni miyeri mitthanu ni mmodda. Nave aakhalla mwene a o Yerusalemu miyakha 33.

⁵ Anamwani ayo yayarelliwe o Yerusalemu yaari Shimea, Shobabu, Natani ni Solomoni. Alla sika anamwani asese ayo aayarilleeye mwa Batishuwa mwaana a Amiyele.

⁶ Aamuyarattho Ibara, Elishama, Elifeleti,

⁷ Noga, Nefegi, Yafiya,

⁸ Elishama, Eliyada ni Elifeleti, anamwani atthanu ni asese.

⁹ Attheenaalla yaari anamwani a Davide, oheerengella anamwani a awariye ang'onong'ono. Murokoriwa aari Tamara.

Edduullu dda Solomoni

¹⁰ Solomoni aamuyara Rehobowamu, Rehobowamu aamuyara Abiya, Abiya aamuyara Asa, Asa aamuyara Yehoshafati,

¹¹ Yehoshafati aamuyara Yoramu, Yoramu aamuyara Ahaziya, Ahaziya aamuyara Yowashi,

¹² Yowashi aamuyara Amaziya, Amaziya aamuyara Azariya, Azariya aamuyara Yotamu,

¹³ Yotamu aamuyara Ahazi, Ahazi aamuyara Hezekiya, Hezekiya aamuyara Manase,

¹⁴ Manase aamuyara Amoni, Amoni aamuyara Yosiya,

¹⁵ Yosiya aamuyara Yohanani, mwanaye awaamba nave oothwarellella yaari Yehoyakimu, Zedekiya ni Shalumu.

¹⁶ Yehoyakimu aamuyara Yekoniya ni Zedekiya.

Edduullu dda Yehoyakimu

¹⁷ Yekoniya ari wuukaporoni aamuyara Shealatiele,

¹⁸ Malikiramu, Pedaya, Shenazara, Yekamiya, Hoshama ni Nedabiya.

¹⁹ Pedaya aamuyara Zerubabele ni Shimei. Zerubabele aamuyara Meshulamu, Hananiya ni Shelomiti, murokoriwa.

²⁰ Atthanu amodda aayarilleeye yaari Hashuba, Owele, Berekiya, Hasadiya ni Yushabu Hesede.

²¹ Hananiya aamuyara Pelatiya, Yesaya, Refaya, Arinani, Obadiya ni Shekaniya.

²² Shekaniya aamuyara Shemaya. Shemaya aamuyara Hatushi, Igala, Bariya, Neariya ni Shafati. Anamwani a Shemaya yaari atthanu ni mmodda.

²³ Neariya aamuyara Eliyoenai, Hizikiya ni Azirikamu. Anamwani a Neariya yaari araru.

²⁴ Eliyoenai aamuyara Hodaviya, Eliyashibu, Pelaya, Akubu, Yohanani, Delaya ni Anani. Anamwani a Eliyoenai yaari atthanu ni eelli.