1 Epilli 24 - Mawu a Mulluku

¹ Edduullu dda Aroni ddakawiwe mwawi ddiidda, anamwani a Aroni yaari Nadabu, Abihu, Eleazara ni Itamara.

² Koma Nadabu ni Abihu yaakhwa attiitthiiwa ehinakhwe nave kheyaari ni anamwani. Sika Eleazara ni Itamara yaakhalla allupa mukutho.

³ Nave mwene Davide aaddikawella edduullu dda Aroni mitteko mootthopoowa phaama, mookaviheriwa ni Zadoki, edduullu ya Eleazara ni Ahimeleki, edduullu ya Itamara.

⁴ Variyari va edduullu dda Eleazara vaaphwanyeya oohoollella anchichi okhwaranya edduullu dda Itamara sika Davide ahaatthoolla oohoollella 16 variyari va edduullu dda Eleazara navettho atthanu ni araru variyari va edduullu dda Itamara.

⁵ Yaatthoollille mwawoombesa moohiweha ekhove vawi vaakhalla oorumeyella a o nipuro noopatuleya ni oohoollella a Mulluku variyari va edduullu dda Eleazara navettho variyari va edduullu dda Itamara.

⁶ Nave milloko miilli dda edduullunndda ddaheera woombesanko moothwarana. Nave namalembella Shemaya mwaana a Netanele Mulevi ahaalemba manddiniiwa vamiitthoni va mwene, enduna ddaye, mullupa mukutho Zadoki, Ahimeleki mwaana a Abiyatara ni oohoollella a mabanja a allupa mukutho ni a Alevi. Nibanja nimodda natthoolliwe ovenyera wa Eleazara nave nimodda ovenyera wa Itamara.

⁷ Otthoolliwa wawaamba wammorenlle Yehoyaribu, waneepiilli Yedaya,

⁸ waneeraru Harimu, waneesese Seorimu,

⁹ waneetthanu Malikiya, waneetthanu ni mmodda Miyamini,

¹⁰ waneetthanu ni piilli Hakozi, waneetthanu ni raru Abiya,

¹¹ waneetthanu ni sese Yeshuwa, waneekhumi Shekaniya,

¹² waneekhumi ni mmodda Eliyashibu, waneekhumi ni piilli Yakimu,

¹³ waneekhumi ni raru Hupa, waneekhumi ni sese Yeshebeyabu,

¹⁴ waneekhumi ni tthanu Biliga, wa 16 Imeri,

¹⁵ wa 17 Heziri, wa 18 Hapizeze,

¹⁶ wa 19 Petahiya, wa 20 Yehezikele

¹⁷ wa 21 Yakini, wa 22 Gamuli

¹⁸ wa 23 Delaya, wa 24 Maaziya.

¹⁹ Nna sika naari ntthopoollo noorumeyella mu enyumba ya Apwiya moollikana ni mutetho oyo Aroni, attiitthiiwa, aakeraatthihalleeye moollikana ni mmo Apwiya Mulluku a Aisraele yamulamulalliiwa.

Manddina a Alevi

²⁰ Oohoollella a anamwani a Levi yaari Yedeiya edduullu ya Shubaele oyo aari edduullu ya Amuramu.

²¹ Ishiya, edduullu ya Rehabiya.

²² Yahati edduullu ya Shelemoti oyo aari edduullu ya Izihara.

²³ Anamwani a Hebroni yaari Yeriya, Amariya, Yahaziele ni Yekameamu.

²⁴ Uziele aamuyara Mika, Mika aamuyara Shamiri.

²⁵ Mwanamunne a Mika aari Ishiya. Ishiya aamuyara Zekariya.

²⁶ Merari ahaayara Mali, Mushi ni Yaziya.

²⁷ Yaziya aamuyara Beno, Shohamu, Zakuri ni Ibiri.

²⁸ Mali aamuyara Eleazara oyo ahiri ni anamwani aallopwana ni Kishi.

²⁹ Kishi aamuyara Yerameele.

³⁰ Nave anamwani a Mushi yaari Mali, Edere ni Yerimoti. Yaalla sika yaari edduullu dda Levi moollikana ni mabanjiiwa.

³¹ Oohoollella a mabanja yaalla, ang'onong'ono ni uullupalli yahoombesattho wi edduwelle mitteko ddiwa wonanko mmo yeerille abaliiwa, anamwani a Aroni. Yaheera ddenndda vamiitthoni va mwene Davide, Zadoki, Ahimeleki ni oohoollella a mabanja a allupa mukutho ni a Alevi.