Yunus 2 - Alkitab Duri

Pangkurrusumanga'na Nabi Yunus lan ba'tang bale 2:1-10

¹ Massambajangmi Nabi Yunus lan ba'tang bale lako PUANG Allataala to nasompa,

² nakua, “Oo PUANG, masussana' kumetamba mati' kale-Ta' na Tapebalina'. La matemo' kumeta'da tulung, na Tasa'dingngmo gamarangku'.

³ Mangkamo' Tapembuangan do' tasik to liwa' mandalan. Nalulunna' naperrambian toona' bombang liwa' tonggo.

⁴ Mangkadana' lan penawangku' kukua: Oo PUANG Taca'beanmo' jio mai olo-Ta'. Mbai tanglakukitamo to bola mala'bih-Ta'.

⁵ Tallanna' kutangnnissenmi menawa. Naguririkkina' tasik gaja luah, nakapu' tooi karra-karra to ulungku'.

^6-7 Tallanna' ratu do' garonto' buntu lan tasik. Na ia to kuperasai susina' to la lan tarruhmo pangtarungkuan. Ia tonna malamma penawangku' kumangngingaran kumetamba mati' kale-Ta', ‘Oo Puangku', PUANG Allataala!’ Lan mai bola mala'bih-Ta' Tapesa'dingngi to passambajangku'. Na susimo' to Tapaendek jiong mai lino tomate, ammipatuo pole'na'.

⁸ Den tonapakamoja' Puang Allataala, memboko'mo na massompa lako dewata te'da bua'na.

⁹ Apa ia to aku' la mangkurru sumanga'na' lako kale-Ta' angkupassompan karoba, kupugauk too sininna tinja'ku', nasaba' PUANG Allataala manda to wa'ding mpasalama' tau.”

¹⁰ Ia tonna mangkamo joo, nasuami PUANG Allataala joo bale lluai to Nabi Yunus de' gantanan.