Génesis 5 - Yura porciones de la biblia

Adánpa awẽ kaiwuu uduax ichapanawãwu kaĩpakediwu nu dikanu

¹ Adánpa awẽ kaiwuu uduax ichapanawãwu kaĩpakediwu atũ adewu ẽ batu adexunu. Epa Diospa dukuwede udiwadi awẽ shina keskara ita naa keskarari inu.

² Dukuwedeya awĩwu udiwata Epa Dios atu tsai shara yuidi. Atu udiwata Epa Diospa yuidi: “Atũ ade dukuwede iki”, atu wadi.

³ Adán ciento treinta wari axu awiana wake adi. Werunawake idi. Apa keskarakui idi. Adánpa awẽ wake adekĩ Set, wadi.

⁴ Set kaĩdiadu ochocientos wari Adán idi. Ana wake wetsawu adi. Xutukuwake ata werunawake adi.

⁵ Novecientos treinta wari akax Adán dadi.

⁶ Set ciento cinco wari axu awẽ wake Enós adi.

⁷ Enós kaĩyabeadu Setpa wakewu apãdi xutukuwake ata werunawake adi. Set ochocientos siete wari iyupaudi.

⁸ Novecientos doce wari akax Set dadi.

⁹ Enós noventa wari axu awẽ wake werunawake Cainán adi.

¹⁰ Cainán kaĩdiadu ochocientos quince wari Enós idi. Ana wake wetsawu adi. Xutukuwake ata werunawake adi.

¹¹ Novecientos cinco wari akax Enós dadi.

¹² Cainán setenta wari axu awẽ wake Mahalalel adi.

¹³ Mahalalel kaĩdiadu Cainán ochocientos cuarenta wari idi. Ana wake wetsawu adi. Xutukuwake ata werunawake adi.

¹⁴ Novecientos diez wari akax Cainán dadi.

¹⁵ Mahalalel sesenta y cinco wari axu awẽ wake Jéred adi.

¹⁶ Jéred kaĩdiadu ochocientos treinta wari idi. Ana wake wetsawu adi. Xutukuwake ata werunawake adi.

¹⁷ Ochocientos noventa y cinco wari akax Mahalalel dadi.

¹⁸ Jéred ciento sesenta y dos wari axu awẽ wake Henoc adi.

¹⁹ Henoc kaĩdiadu Jéred ochocientos wari idi. Ana wake wetsawu adi. Xutukuwake ata werunawake adi.

²⁰ Novecientos sesenta y dos wari akax Jéred dadi.

²¹ Henoc sesenta y cinco wari axu awẽ wake Matusalén adi.

²² Henoc na Epa Dios yuiyai keskapaudi. Matusalén kaĩdiadu Henoc trescientos wari idi. Ana wake wetsawu adi. Xutukuwake ata werunawake adi.

²³ Henoc trescientos sesenta y cinco wari iyupaudi.

²⁴ Henoc naa Epa Dios yuiyai keskapaudi. Naskaitu Epa Dios iwiyaidu Henoc yabarisatadi.

²⁵ Matusalén ciento ochenta y siete wari axu awẽ wake Lamec adi.

²⁶ Lamec kaĩdiadu Matusalén setecientos ochenta y dos wari idi. Ana wake wetsawu adi. Xutukuwake ata werunawake adi.

²⁷ Novecientos sesenta y nueve wari akax Matusalén dadi.

²⁸ Lamec ciento ochenta y dos wari axu awẽ wake werunawake adi.

²⁹ Awẽ wake adekĩ Noé, wadi. Naskaxu Lamecpa yuidi: “Diaiwu Diospa bai chakanawadi. Naskake yudui nu ubiskuibis da wake duku tedebanupukui. Naskake ẽ adei awẽ ade Noé ẽ wai”, Lamecpa wadi.

³⁰ Noé kaĩyabeadu Lamecpa quinientos noventa y cinco wari idi. Wakewu apãdi werunawakewu ata xutukuwake adi.

³¹ Setecientos setenta y siete wari akax Lamec dadi.

³² Noé quinientos wari axu awẽ wakewu Sem Cam Jafet adi.