Nihimaya 11 - DAWAN BÎLA AISKA

Upla nani ba kli Jerusalem ra bal iwan

¹ Baha nisanka wihtka nani ba Jerusalem ra iwi banhwan; bara tawan uplika wala nani ba lika lat lulki kaikan upla pamali matawalsip ba wina, kumi baman sip kan Jerusalem tawanka ra iwaia, tawan holikira ba; bara uplika wala nani 9 pamali nani ba lika, tawan wala nani ra takaski iwaia kan.

² Bara tawan uplika nani mita yamni munan, baha waitnika nani witin nani silp ai kupia pali Jerusalem ra iwaia wilinkira takan bamna.

³ Bara baku natka ra wihta tara nani kli tawi balan ba witin nani sin Jerusalem ra iwan. Juda tawanka nani ra lika Israel luhpia nani, prîs nani, Libait nani, tempel ra wark dauki nani kan ba, Salaman warkka taki kan uplika nani kiamka ba sin, kumi bani ai uplika nani tilara ai dukia nani bri kan ba lama kat iwan.

⁴ Juda bara Benjamín luhpia nani tila wina sin Jerusalem ra iwi banhwan, Juda luhpia nani wina: Ataías, Ozías luhpia waitna kan ba, Sakaraya luhpia waitna kan ba, Amarías luhpia waitna kan ba, Sefatías luhpia waitna kan ba, Mahalalel luhpia waitna kan ba, witin ba Fares kiamka wina kan;

⁵ bara Maaseías, Baruc luhpia waitna kan ba, Colhozé luhpia waitna kan ba, Hazaías luhpia waitna kan ba, Adías luhpia waitna kan ba, Joiarib luhpia waitna kan ba, Sakaraya luhpia waitna kan ba, Siloní luhpia waitna kan ba.

⁶ Fares kiamka nani Jerusalem ra iwi banhwan asla ba ra 468 nani kata, witin nani ba waitna karnakira bara war ra aiklaklabra nani kan.

⁷ Naha nani sika Benjamín kiamka wina: Salú, Mesulam luhpia waitna kan ba, Joed luhpia waitna kan ba, Pedaías luhpia waitna kan ba, Colaías luhpia waitna kan ba, Maaseías luhpia waitna kan ba, Itiel luhpia waitna kan ba, Aiseya luhpia waitna kan ba;

⁸ bara ai muihni nani Gabai bara Salai. Sut asla ba ra: 928.

⁹ Bara witin nani ai wihtka ba Joel, Zicrí luhpia waitna; bara Juda, Senuá luhpia waitna, witin sin tawan ra wihta kum kan.

¹⁰ Prîs nani tila wina balan ba: Jedaías, Joiarib luhpia waitna, Jaquín,

¹¹ bara Seraías, Hilquías luhpia waitna kan ba, Mesulam luhpia waitna kan ba, Sadoc luhpia waitna kan ba, Meraiot luhpia waitna kan ba, Ahitub luhpia waitna kan ba, Gâd tempelka ra wark lalka kau tara ba.

¹² Bara witin nani ai muihni aikuki Gâd tempelka ra warkka dauki banhwi kan ba sut lika 822 kan; bara Adaías, Jeroham luhpia waitna kan ba, Pelaías luhpia waitna kan ba, Amsí luhpia waitna kan ba, Sakaraya luhpia waitna kan ba, Pashur luhpia waitna kan ba, Malquías luhpia waitna kan ba.

¹³ Witin nani ai muihni nani, tâ uplika wihta nani ba sut ba ra 242 kan; bara Amasai, Ahzai luhpia waitna kan ba, Mesilemot luhpia waitna kan ba, Imer luhpia waitna kan ba.

¹⁴ Witin ai taika nani ba war karna aiklabi uplika nani kan, asla kulkan ba ra 128 kan, bara witin nani ai wihtka ba lika Zabdiel kata, Guedolim luhpia waitna ba.

¹⁵ Libait nani tila wina: Semaías, Hasub lupia waitna kan ba, Azricam luhpia waitna kan ba, Hasabías luhpia waitna kan ba, Binuy luhpia waitna kan ba;

¹⁶ Sabtai bara Jozabad wal ba, Libait nani tilara kulkanka tara bri kan, witin nani sika Gâd watla lata tani ra warkka dauki ba wihtka nani kan;

¹⁷ Matanías, Micaías luhpia waitna kan ba, Zabdí luhpia waitna kan ba, Asaf luhpia waitna kan ba, witin sika aiwawanra daknika tâ brabrira kata, bara tingki bîla nani aiwani, pura sunra dauki ba yua ra yabi kan; Bacbuquías, ai taika nani tilara sekan ba, bara Abdá, Samúa luhpia waitna kan ba, Galal luhpia waitna kan ba, Jedutún luhpia waitna kan ba.

¹⁸ Jerusalem ra bâk sakan tawanka ra 284 Libait nani takaskan.

¹⁹ Dur ra aihwawakra nani wina: Acub, Talmón bara ai muihni nani sut ba ra 172 kan.

²⁰ Bara Israel luhpia wala nani, prîs nani, Libait nani ba lika, Juda tasbaya ra ai tasbaya kan ba ra takaski banhwan.

²¹ Tempel warkka dadaukra nani ba lika, ai tâ brabrira nani ba Sihá bara Guispá kan ba, Ófel ra iwi banhwi kan.

²² Bara Jerusalem ra Libait nani wihtka ba lika Uzí kata, Baní luhpia waitna kan ba, Hasabías luhpia waitna kan ba, Matanías luhpia waitna kan ba, Micaías luhpia waitna kan ba, witin nani sika Gâd tempelka ra lawana nani ba tâ bri kan,

²³ kan king mita yu bani adar yabi kan, aiwawanra nani ra, ya nani tempel ra lawana aiwani kaia kan ba.

²⁴ Petahías, Mesezabel luhpia waitna ba, Zérah luhpia nani tila wina, bara Juda kiamka kan ba, witin sika king lamara tawan uplika nani pâtka dahra aisi kan ba.

Jerusalem tawanka wala nani ra upla iwan ba

²⁵ Juda kiamka wala nani ba iwi banhwata Quiriat-arbá tasbaya ra, Dibón, Jecabseel,

²⁶ Jasua, Moladá, bara Bet-pélet,

²⁷ Hasar-sual, Beerseba,

²⁸ Siclag, Meconá,

²⁹ En-rimón, Sorá, Jarmut,

³⁰ Zánoah, Adulam, Laquis ra bara Azecá ra, ai tawanka sirpi nani sut kira. Witin nani lika Beerseba wina laih Hinom twiya langnika tasbaya ra iwi banhwan.

³¹ Bara Benjamín kiamka nani lika iwi banhwan Gueba ra, Micmás, Aías, Betel ra bara ai tawanka sirpi nani aiska ra iwi banhwan;

³² baku sin Anatot ra, Nob, Ananías,

³³ Hasor, Ramá, Guitaim,

³⁴ Hadid, Seboím, Nebalat,

³⁵ Lod, Onó, bara Diara Papaskra nani tasbaya langnika ra sin.

³⁶ Bara tila Libait nani ra lika, Juda bara Benjamín ra tasba yan.