Jirimaya 24 - DAWAN BÎLA AISKA

Baskit ra kwah mâ nani ba marikan tânka ba

¹ Nabucodonosor, Babilon kingka ba mita Jeconías, Joaquim luhpia waitna Juda kingka ba tasba wala ra brih wan bara witin aikuki Juda wihtka nani ba dus ni diara papaskra nani ba, kî papaskra nani ba sin brih wan kan, baha ningkara Dawan mairikan kwah mâ baskit wâl tempel ba lamara kan kaikri.

² Baskit kum bilara kwah mâ nani ba pain pali kan, baha nani ba pat pawan kan, sakuna baskit wala ra mâ nani ba saura baman kan, piaia sip apia.

³ Bara Dawan bui yang ra maikabi walan: “Jirimaya, ¿man dîa kaikisma?” Yang pana wîri: “Kwah mâ nani. Mâ pain nani ba pain pali sa; sakuna saura nani ba saura pali sa, piaia sin sip apia sa.”

⁴ Bara Dawan pana yang ra ai win:

⁵ “Yang, Dawan Israel Gâdka, mai wisna: Kwah mâ pain ba baku Juda uplika nani ra kaikamna, witin nani Caldea uplika nani tasbaya ra blikri ba, naikra ra yamni kaiki kamna,

⁶ yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

⁷ Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

⁸ “Sakuna Sedequías, Juda kingka ra, wihta tara nani bara Jerusalem uplika nani ra, baha kuntrika ra takaski, Idsip ra iwan ba ra lika kwah mâ aisawan ra kaiki baku kaikamna, saura bri bara piaia sin sip apia ba baku.

⁹ Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

¹⁰ Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”