Jasua 16 - DAWAN BÎLA AISKA

Efraín, Manasés bara Josep kiamka nani tasbaya piarkika

¹ Josep kiamka ra yan tasbaya nani ba, Jordan awala lalma tani ba, Jeriko wina laya aubi ba pura tani, ba wina ban upla iwras tasbaya, il untika tani, Jeriko kat auya ba ban Betel kat sin.

² Betel wina wiaia kaka Luz kat arquita nani tasbaya bâk lui auya, Atarot kat;

³ ningkara muna tani Jaflet uplika nani tasbaya ban Bet-horón lama mâya kat. Ba wina Guézer kat, bâk ban Mediterráneo kabuka kat taki kata.

⁴ Manasés, Efraín, Josep kiamka nani ba, naha tasbaya nani na brin.

Efraín kiamka tasbaya nani ba

⁵ Efraín masraka kiamka nani tasbaya ba dukiara lika, Atarot-adar lalma tani Bet-horón Pura kat.

⁶ Baha wina Mediterráneo kabuka kat wi kata. Yahbra tasbaya yabalka ba Micmetat kan, bara baha wina auya tasbaya lalma ba Taanat-siló kat, bara ningkara Janóah ra lui,

⁷ ba wina mâya tani Astarot bara Naará kat, ban Jeriko lamara wih Jordan awala kat takaia.

⁸ Tapúah wina, piarkika ba muna tani ra auya Kena tingnika bara Mediterráneo kabuka kat. Naha tasbaya sika Efraín kiamka ra yabata ba, upla kulkanka praiska ba kat.

⁹ Baku sin tawan tara bara tawan sirpi nani kum kum bâra ban, Manasés kiamka iwi kan ba tasbaya tilara kan ba baha nani ba Efraín brin.

¹⁰ Sakuna Efraín kiamka nani bui Guézer wina Kenan uplika nani ba sakras, ban swin ai tilara iwaia, ban sakuna yan aibapi kan ai lal mana. Bara naiwa yua kat Kenan uplika nani ba ban bâra iwisa.