Jasua 12 - DAWAN BÎLA AISKA

King nani Moses mita pura luan ba

¹ Naha kingka sika Israel luhpia nani mita sauhki tikan ba, bara Jordan awala lalma ra ba wina, tasbaya piarkika nani sut, Arnón awala ra, Hermón ilka kat, Jordan tasbaya pîska, lalma wina ilka bîla langnika ba sut.

² Sihón, amorreo nani, Hesbón ra iwi kata ba. Ai kingka lâka Aroer wina Arnón laya un kat kata, bara baha pîska lila langnika wina, Jaboc awalka kat, baha wina sika Amón uplika nani tasbaya piarkika tâ kriki kata ba (wibia kaka, Galaad bakriki prais),

³ bara Jordan langnika lalma tani sut ba ai mihta ra bri kan, Quinéret lakunka wina Kabu Pruan kat, Bet-jesimot tani ra, bara waupasa tani ra Pisgá ilka playa kat.

⁴ Og, Basán kingka ba, refaíta nani tila wina kumi, Astarot ra iwi kata bara Edrei ra sin.

⁵ Ai kingka lâka bri kan ba Hermón ilka wina, bara Salcá wina, bara Basán tasbaya langnika aiska wina, Guesur bara Maacá wal tasbaya piarkika kat, bara Galaad bakriki wala kat, baha ba Sihón dukia kata, baha lika Hesbón kingka ba.

⁶ Moses bara Israel luhpia nani naha kingka nani ra sauhki tikan, bara Moses bui baha tasbaya nani ba Ruben kiamka ra bara Gad kiamka ra yan, bara Manasés kiamka bakriki ra sin yaban.

King nani Jasua mita sauhki tikan ba

⁷ Naha kingka nani sika Jasua bara Israel luhpia nani mita sauhki tikan Jordan awala muna pîska ra, Baal-gad wina, Líbano langnika kat, bara Halac ilka Seír kat. Jasua bui naha kingka nani tasbaya ba Israel luhpia nani kiamka ra yaban, ai tasbaya Dawanka ban kaia,

⁸ Jordan il tasbaya pîska ba, twiya langnika bara Jordan ilka bîla, bara ilka pura nani, upla iwras tasbaya nani sut ba Négueb kat. Naha tasbaya nani ba lika hitita nani, amorreo nani, Kenan uplika nani, ferezeo nani, heveo nani bara Jebús uplika nani iwi kan.

⁹ King nani sauhki tikan ba naha nani kata: Jeriko bara Ai kingka, Betel lamara tawanka ba,

¹⁰ Jerusalem kingka, Hebrón kingka,

¹¹ Jarmut kingka, Laquis kingka,

¹² Eglón kingka, Guézer kingka,

¹³ Debir kingka, Guéder kingka,

¹⁴ Hormá kingka, Arad kingka,

¹⁵ Libná kingka, Adulam kingka,

¹⁶ Maquedá kingka, Betel kingka,

¹⁷ Tapúah kingka, Héfer kingka,

¹⁸ Afec kingka, Sarón kingka,

¹⁹ Madón kingka, Hasor kingka,

²⁰ Simron-merón kingka, Acsaf kingka,

²¹ Taanac kingka, Meguido kingka,

²² Quedes kingka, Jocneam Carmelo ra ba kingka,

²³ Dor kingka, baha lika Dor tasbaya pîska ra, Goím kingka Guilgal ra ba kingka

²⁴ bara Tirsá kingka. Asla sut ba ra king nani 31 kata.