Isikiel 41 - DAWAN BÎLA AISKA

¹ Baha waitna ba mita tempel lilapas kat ai brih wan, bara playa tara skwir nani wâl ba kulki kaikan, baha wâlsut ba yahpika twaknika tnaya kumi bani ba 10 pît kan.

² Lilapas kat dimaia durka bîla ba 8 pît bri kan; baha kutbanka ra tâ baiki playka wâl ba kumi bani 5 pît bri kan. Baha ningkara lilapas bîla ba kulki kaikan: yarika 68 pît, bîla yahpika ba 34 pît bri kan.

³ Bara kli lilapas alkaia ba ra wan, baha wina kutbanka ra playka tara skwir ba kulki kaikan, pas kata ba 3 pît bri kan. Bilara dimaia wapi luaika ba 10 pît bri kan, bara playka tara bilara ba tnaya tara bilara ba tnaya bani twaknika ba 12 pît bri kan holi pliska ba.

⁴ Baha ningkara kli lilapas hal ba wina kulki kaikan, baha sin 34 pît skwir kan. Bara witin ai win: “Baha sika Holi Pali Pliska ba.”

Rum nani kutbanka lamara paskan ba

⁵ Baha wina waitna ba tempel bîla kutbanka twaknika ba sin kulki kaikan, baha sin 10 pît bri kan. Bara tempel kutbanka tnaya kir ba ra, rum sirpi nani bîla yahpika 7 pît nani ba bâra kan.

⁶ Baha rumka nani ba plur yumhpa purara paskan kan: plurka kumi bani ba purara 30 rum nani bâra kan. Plur wala nani ba wal tempel tnaya kutbanka plurka ba kau bîla sirpi kan, bara purak wapi luaika bînka ba sika rum nani karnika alki bri kan, baha sin tnaya kutbanka ba wal prakras kan.

⁷ Tempel kutbanka lata tani kir ba ra baha rumka nani ba paskan kan, bara baku sin mâya wina pura kat waia tipska paskan kan, baku yabal bri kan mâya plurka ba wina lila plurka kat ulaia; bara baha wina plur yumhpa ba sin uli waia kan.

⁸ Tempel paskanka ba, yang bui tnaya bani wina laki kaikri, bara playa tara karna kum purara paski baha purara paskan kan, bahara sin rum nani paskan kan. Baha playa tara karna ba mâya wina pura ba kat 10 pît bri kan.

^9-10 Baha rumka nani ba lata tani ra kan kutbanka twakni ba 8 pît bri kan, bara tempel kutbanka kir ba baha rumka nani ba bilara prîs nani rumka ba bâra kan, baha ba 34 pît kan.

¹¹ Bara baha rumka nani ba kutbanka pura bâk wapi luaika bâra kan yahbra tani durka bâk, waupasa tani durka lui kaia yabal param kan. Baha sin tâ kum ba wina tâ wala ba kat kutbanka bri kan baha twaknika ba sin 8 pît bri kan.

Tempel muna tani ra watla ba

¹² Tempel wina muna tani ra kaiki ba ra, kaikisa utla kum bâra sa, latka bîla tara sa; watla yahpika yarika ba 150 pît brisa, bîla yahpika ba 116 pît bara kaina kutban twaknika ba 9 pît bri kan.

Tempel yahpika aiska ba kulki kaikan

¹³ Baha wina witin tempel lata tani ba kulki kaikan baha yarika ba 168 pît bri kan. Baha wina tempel latka muna tani ba wina kau muna tani ra utla bâra ba latka ba sut kulki kaikan, baha bîla yahpika aiska ba sin 168 pît bri kan.

¹⁴ Baha ningkara witin kli tempel latka mawanra ba, wal lalma tani ra kutbi pakan ba sin kulki kaikan bara baha sin 168 pît bri kan.

¹⁵ Bara baku wina tempel mina tani ra utla ba yarika sin kulki kaikan, latka kutbi prakan ba, bara tnaya kutbanka ba sin kulkan tnaya bani ba, bara baha sin 168 pît bri kan. Tempel bilara rumka nani halka ba sut

Tempel bîla nahki paskan ba

^16-17 tat ni praki paskan kan. Windarka nani ba ayan ni paskan kan, windar un playka nani ba, bara baha tnaya yumhpa kir ba tat ni paskan kan. Plur ba wina windar nani bilka ba, dur pura ba baha sut ba sin tat ni prakan kan. Tempel aiska bîla bara lata tani ba,

¹⁸ tat ni prakan kan, bara bahara lilka nani pali man daukan kan, kirubin lilka, kûku dusa talia lilka nani. Kirubin kumi bani mawan lilka ba wâl bri kan;

¹⁹ tnaya kum upla mawan ba ni kûku dusa wahia bahmuna kum ra kaiki kan, tnaya wala layan mawan ba ni kûku dusa wahia bahmuna wala ra kaiki kan. Bara baha lilka ba tempel kir ba daukan kan,

²⁰ baha tempel lilapas kat halka, plurka ba aiska, tnaya ba sut ban dur pura ba kat, kirubin nani lilka kûku wahia sâtka lilka nani dauki prakan sa. Baha hal lilapas kat bâra ba bilara lilka nani ba bâra sa,

²¹ baha dur ra dimaia playka nani ba sin skwir paskan sa. Holi Pali Pliska dimaia lamara altar kum

Dus ni paskan altarka ba

²² dus ni paskan bara talia kan. Tnaya kir ba, praki saban dusa nani ba sut dus ni paskan kan, mâya wina pura kat ba 5 pît bri kan, bîla yahpika ba 4 pît. Bara waitnika ai bri tauki ba ai win: “Naha tibilka sika, Dawan mawanra ba.”

Dur nani ba

^23-24 Baha lila halka ba bara Holi Pali Pliska wal bilka ra dur wâl bâra kan. Durka kumi bani ba ai tnaya wâl ra saki praki kan utla tnaya ba.

²⁵ Baha lilapas kat halka ra dur ba kirubin lilka, kûku sâtka wahia nani lilka ni dauki paskan sa, nahki kutbanka wala nani ra lilka nani daukan ba baku sa. Tempel mawanra hal ba, lata tani ra ayan windarka baku baha sin dus ni paskan.

²⁶ Baha halka nani ba tnaya bani ra windar nani bâra kan baha nani ba ra sin kûku wahia sâtka lilka daukan kan. Tempel wal prak prakan rumka windarka nani ba sin ayan ni paskan kan.