Ester 10 - DAWAN BÎLA AISKA

Mardoqueo ra kulkanka yaban bara prakanka ba

¹ Bara king Asuero mita diara nani lal mana dakbaia adarka yaban tasba langni ra iwi nani ra, baku sin kî dakura nani ra iwi banhwi nani ra.

² Bara diara sut pali ai karnika bri wal daukan ba, bara kulkanka tara pali Mardoqueo yabi diara nani aiska purkara mangkan kan ba sut, Media bara Persia ra diara nani takan ulbi kan wauhkataya nani ra ulbi mangkan sa.

³ Bara Ju waitna Mardoqueo ba, king ba wina ningkika ba, witin ba tâ bri kan diara sut. Witin ba Ju nani tilara upla tara kulkan kan, ai tawanka uplika nani mita latwanka bara ai uplika nani yamnika dukiara diara manis daukan bamna, bara sin ai kiamka nani yamnika dukiara trabil takan.