Aiseya 12 - DAWAN BÎLA AISKA

Tingki wiaia lawana

¹ Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

² Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

³ Swaki wan sakaia laya kârma nani ba wina, man nani liliakira bal lî saki kama.

⁴ Bara man nani baha yua ra aisama: Dawan ra aiwans, ai nina ra puram suns, upla nani tilara ai warkka daukan dahra ba tara dauks, âmya ra bri bas witin ai nina ba diara sut tilara purara pali bukan sa.

⁵ Man nani bui Dawan ra aiwans, kan witin diara tara pranakira dukia nani daukan bamna; tasba aiska ba mita, baha tânka bribia.

⁶ Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”